Actualitats
Eleccions al Reialme Unit: reüssida màger de l’independentisme escocés
Majoritat absoluda de Cameron amb la promessa d’un referendum per quitar l’UE
Lo partit conservator de David Cameron s’es impausat a las eleccions del Reialme Unit de dijòus passat. “Es estat clarament una nuèch fòrça bona pel partit conservator. Avèm recebut una responsa positiva”, çò declarèt lo primièr ministre en un discors. Cameron a obtengut, amb 326 elegits, la majoritat absoluda de la Cambra de las Comunas, e o a fach amb la promessa d’un referendum sus la sortida del Reialme Unit de l’Union Europèa: lo resultat es un messatge fòrça poderós a Brussèlas.
La victòria dels “tories” s’es acompanhada d’un enfonzament dels laboristas d’Ed Miliband e dels liberaldemocratas del fins ara viceprimièr ministre Nick Clegg. E i a agut tanben una revirada dels eurofòbs de l’UKIP, que demòran amb un sèti, e lor cap, Nigel Farage, a perdut la siá circonscripcion, e doncas, coma o aviá promés, a presentat sa demission. E en seguida tanben an demissionat Nick Clegg e Ed Miliband. Tres demissions en quatre oras dempuèi que se son sauputs los resultats.
Amb l’escrutini gaireben finit, lo partit conservator es arribat a la majoritat absoluda. Lo partit conservator n’auriá addicionat 326. Lo sieu rival, lo laborista Ed Miliband, amb 230, a admés que la nuèch de l’escrutini foguèt “fòrça malaisida e decebeira” e fin finala a presentat sa demission. En Escòcia, los independentistas de l’SNP an atench l’immensa majoritat dels 59 sètis en jòc, amb lo 50% dels vòtes.
Reüssida màger de l’SNP
L’SNP a obtengut una victòria istorica en Escòcia, amb un percentatge de vòte del 50%. Lo partit de Nicola Sturgeon a obtengut 56 dels 59 deputats escoceses, en ne daissant solament un pels liberaldemocratas, un pels conservators e un pels laboristas. Los independentistas an daissat sens cap de sèti lo cap laborista escocés, Jim Murphy, lo responsable dels afars exteriors del partit, Douglas Alexander, o la ministra de l’ombra per Escòcia, Margaret Curran, valent a dire, las figuras màgers de la formacion de Miliband.
La victòria dels “tories” s’es acompanhada d’un enfonzament dels laboristas d’Ed Miliband e dels liberaldemocratas del fins ara viceprimièr ministre Nick Clegg. E i a agut tanben una revirada dels eurofòbs de l’UKIP, que demòran amb un sèti, e lor cap, Nigel Farage, a perdut la siá circonscripcion, e doncas, coma o aviá promés, a presentat sa demission. E en seguida tanben an demissionat Nick Clegg e Ed Miliband. Tres demissions en quatre oras dempuèi que se son sauputs los resultats.
Amb l’escrutini gaireben finit, lo partit conservator es arribat a la majoritat absoluda. Lo partit conservator n’auriá addicionat 326. Lo sieu rival, lo laborista Ed Miliband, amb 230, a admés que la nuèch de l’escrutini foguèt “fòrça malaisida e decebeira” e fin finala a presentat sa demission. En Escòcia, los independentistas de l’SNP an atench l’immensa majoritat dels 59 sètis en jòc, amb lo 50% dels vòtes.
Reüssida màger de l’SNP
L’SNP a obtengut una victòria istorica en Escòcia, amb un percentatge de vòte del 50%. Lo partit de Nicola Sturgeon a obtengut 56 dels 59 deputats escoceses, en ne daissant solament un pels liberaldemocratas, un pels conservators e un pels laboristas. Los independentistas an daissat sens cap de sèti lo cap laborista escocés, Jim Murphy, lo responsable dels afars exteriors del partit, Douglas Alexander, o la ministra de l’ombra per Escòcia, Margaret Curran, valent a dire, las figuras màgers de la formacion de Miliband.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A bonas horas, los laboristas feren paur als jubilats que cobrarian pas la jubilació, acolhoament general dels vielhets, per una messorga. Tot és mentida, sobretot la democràcia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari