Actualitats
Bèthhag: eth Ostau Comengés qu’arrecep era MARPÒC
Era associacion de Nimes, enguan, qu’an decidit de partir visitar eth Naut Comenge e era Val d’Aran, en tot passar peth Coserans
Eth dissabde 9 de mag, ua quaràntia de membres dera MARPÒC (Maison per l’Animacion e la Recèrca Populara Occitana) que huc arrecebuda a Bèthhag (Coserans) per Joan-Pau Ferré, president deth Ostau Comengés, associacion plan coneguda en Comenge e Coserans enath sòn trebalh de valorizacion dera cultura gascona. Era MARPÒC qu’é, era, ua associacion de Nimes qu’organiza cada an era Universitat Occitana d’Estiu, corses d’occitan, conferéncias, espectacles, expositions e qu’edita libes bilingües occitan-francés. Cada an, eths sòns membres que participan, ara initiativa deth sòn president Jòrdi Peladan, enà un viatge en tèrra occitana. Enguan, qu’an decidit de partir visitar eth Naut Comenge e era Val d’Aran, en tot passar peth Coserans.
Partida a punta d’auba d’Alès, era delegacion dera MARPÒC que huc acuelhuda ath Bistrot de Betchat pera patrona Marie-Ange Quignon e era sua còlha ath torn d’un dinnar excellent. Après, Joan-Pau Ferré que parlèc deras activitats deth Ostau Comengés, en particular dera cuelhuda e dera transmission dera memòria e deras tradicions deths Pirenèus gascons e, plan ajudat peths sòns dròlles, qu’illustrèc eth sòn expausat dab un conde e un cant tradicionaus cuelhuts au près de dus informators deth parçan. Que presentèc tanben eth documentari Eth vin de casa, sus era viticultura en Comenge e Coserans, produit peth Ostau Comengés ena collection Oralitat de Gasconha.
Eth occitan, que siá de Gard o de Gasconha, que huc omnipresent pendent eth arrepèish e eths escambis que’u seguiren, pendent aquera vrespada plaçada dejós eth signe dera convivialitat e tanben dera emocion, especiaument quan eth imne occitan, Aqueras montanhas, arretronic ena sala deras hèstas, arreprés per totas eras gents presentas.
Joan-Pau Ferré
Partida a punta d’auba d’Alès, era delegacion dera MARPÒC que huc acuelhuda ath Bistrot de Betchat pera patrona Marie-Ange Quignon e era sua còlha ath torn d’un dinnar excellent. Après, Joan-Pau Ferré que parlèc deras activitats deth Ostau Comengés, en particular dera cuelhuda e dera transmission dera memòria e deras tradicions deths Pirenèus gascons e, plan ajudat peths sòns dròlles, qu’illustrèc eth sòn expausat dab un conde e un cant tradicionaus cuelhuts au près de dus informators deth parçan. Que presentèc tanben eth documentari Eth vin de casa, sus era viticultura en Comenge e Coserans, produit peth Ostau Comengés ena collection Oralitat de Gasconha.
Eth occitan, que siá de Gard o de Gasconha, que huc omnipresent pendent eth arrepèish e eths escambis que’u seguiren, pendent aquera vrespada plaçada dejós eth signe dera convivialitat e tanben dera emocion, especiaument quan eth imne occitan, Aqueras montanhas, arretronic ena sala deras hèstas, arreprés per totas eras gents presentas.
Joan-Pau Ferré
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Plan bona initiativa. Espera que van contunhar un autre còp vers l'Aquitena, lo Limosin, l'Arvena mesma si a pas una activitat occitanista tant importanta.
Lo regionalisme es una valor que monta. Las regions que siajan de lenga francesa o de lenga regionala an besonh de tornar trobar una identitat e gitar los "clichés" dau centralisme frances. An besonh de descrubir una autra istòria. Es pas un asard si la candidatura Troadec butit vers aquò.
Sem dins una perioda d'incertituda per tot lo monde. Chacun a besonh de se tornar definir avant de definir de las limitas teritorialas.Los medias e los politics exagonaus son crispats sur de las leis per empeschar lo developament d'aquela emancipacion regionala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari