capçalera campanha

Actualitats

SocietatPoliticaInternacional

Bascoat: una massa enòrma de mond protegís tres joves contra l’arrestacion e l’empresonament

Eles e d’autres cinc joves fasián partida de Segi, una organizacion politica illegalizada. Òm los acusa de far partida d’un grop terrorista

| enara♀
De desenats de milièrs de personas son a protegir tres joves independentistas bascos que son condemnats a la preson. Los joves se camoflan demièg una massa enòrma de Mond per dificultar lor arrestacion e empresonament. Eles, e cinc autres, son condemnats per pertànher a Segi, una organizacion politica basca illegalizada dins l’estat espanhòl. La justícia espanhòla los a condemnats per far partida d’una banda armada, del temps qu’eles an totjorn assegurat que las declaracions que los acusan foguèron obtengudas mejançant de torturas.
 
Lo rassemblament de proteccion comencèt amb una manifestacion nomenada “Marcha Irange”, per la color de las camisetas del mond que sostenon, e marchèron ièr dimenge per carrièras, a Vitòria, jos los lèmas “Libertat” e “Pro de politicas d’excepcion, per la desobesissença e la libertat”.
 
Mas las protèstas se son debanadas pendent tota la setmana passada, en seguida de l’arrestacion e de l’empresonament dels cinc primièrs condemnats.


Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pirolet
6.

#5 Es, d'efièch, la causida per ara, dins çò que s'es fach fins ara, levat qualques moments cortets de l'istòria. Cal cercar quicòm mai. De prepausicions son a se fargar mas, coma se sap, còsta qu'una majoritat vòlga ensajar çò que s'es pas encara fach, subretot que los que lor interessa que las causas cambien pas son mèstres en inspirar la paur de sortir de l'enclaus. Contunhan de nos contar "La craba de mossen Seguin".

  • 0
  • 0
Ernest Guevara Jr. L'Avana
5.

#4 Tot aquò foguèsse vertat, ne poiriái sonque conclure una causa. La causida politica, quora encara existís, se fa entre l'infèrn capitaista (qu'a pas grand causa mai a impausar qu'una regim d'esclavatge mai o mens modernizat) e l'infèrn d'un regim pseudo-marxista…

  • 0
  • 0
Pirolet
4.

#3 Per Venezuela, sabi pas. Me fisi pas tròp dels medias franceses. A Cuba, lo desespèr arribèt a tal punt qu'a fòrça mond, per compensar de pas poder manjar e de se pas poder lavar (quitament pas de sabon!) e vestir coma cal, lor demorava pas que lo ròm, la dròga e jogar a truca-melic e a truca-paternas coma de falords. E es pas solament a causa del "bloqueo": veire sus aquò d'escrivans de tria coma Reinaldo Arenas o Leonardo Padura; veire tanben los films que se son poguts far mièg d'escondons. O es que tot aquel mond son de messorguièrs? Aqueles colhons de barbuts an capitat de far que pagar un Coca Cola a un cuban es coma li dobrir las pòrtas del paradìs. E aquò es pas de cracas que l'ai vist ieu meteis mantun còps. Aquò dich, sembla qu'i aja qualques mièlhs e l'UE farià plan de s'en mainar e de trabalhar cotria amb los cubans abans que los Ianquis ne'n tornen far lo bordèl dels Etats Units.

  • 0
  • 0
Ernèst Guevara Jr. L'Avana
3.

#2 S'es polida, la democracia, a Cuba o a çò de Maduro ? Vai la veire, e dona me'n novèlas que non siá las de mla propaganda capitalista…

  • 1
  • 2
Gèli Grande Lairac en Agenes
2.

#1
"Es polida, la democracia, en Euròpa, non ?"
Perque es polida la DEMOCRACIA en çò de Fidel Castro o del Maduro ? e parli pas del Poutine !

  • 1
  • 4

Escriu un comentari sus aqueste article