Actualitats
Es mòrt Dean Potter, l'esportiu mai extrèm
Publicam qualques vidèos de sas aventuras
Dean Potter, un dels melhors escalaires del moment, moriguèt dimenge mentre que practicava lo saut BASE al pargue nacional de Yosemite, als Estats Units. Potter, de 43 ans, e Graham Hunt, de 29, sautèron dins lo voide dempuèi mai de 2000 mètres de nautor sus la val de Yosemite près del massís rocalhós del Capitan. Portavan los nommats “wingsuits”, çò es de vestits dessenhats per planar, mas sembla que volguèron passar per una gòrja fòrça estrecha e s'esclafèron contra la ròca. Potter aimava los espòrts extrèms e cercava totjorn de nòvas frontièras e de provocacions. Cal dire que lo saut BASE es una practica enebida al pargue de Yosemite.
Prepausam çai jós qualques unes dels vidèos mai espectacloses de las aventuras de Potter:
Prepausam çai jós qualques unes dels vidèos mai espectacloses de las aventuras de Potter:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Marrida novèla... Mas quò deviá 'rubar, z-èra un petit previsible... La vida z-ei preciosa! :-(
#1 s'èra pas amb son mèstre per sa darrièra sortida...
Lo paubre chen que demòra solet aura. :(
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari