La joena cantaira aranesa presentarà le CD novèl, hèit dambe liceans d’occitan
Après repeticions e repeticions començadas a la prima de 2013, concèrts a fanègas e un pilòt de jorns d’enregistrament dins estúdios, le CD d’Alidé Sans arribèc. I collaborèn tanben liceans de la Gasconha tolosana. Aqueste CD estèc un afar deus bères. Au-delà deu hèit que la musica e les tèxtes estossen tots de la joena aranesa, participacions multiplas estón audiblas suu CD dambe Crazy Álvarez, Nedson Pires, Toni Xuclà e 5 liceans lisleses. Caloc quasi dus ans ende hèr espelir le CD. Estèc enregistrat a Barcelona e a Madrid dambe l’ajuda de professionaus confirmats.
L’idèa èra de mostrar que joens podèvan hèr una cançon en occitan maugrat que vengossen d’estats diferents. S’agissèva de provar que l’occitan mos unís. La region Mieijorn-Pirenèus comprengoc aquera pensada novatora e sostengoc le projècte. La cançon qu’Alidé e les liceans enregistrèn amassas, e que se tròba sus l’album, es una represa de las peberadas deus Caulets. Les liceans que participèn au CD d’Alidé Sans son Anaïs Gaux (votz), Lisa Fraresso (flaüta traversèra), Sofia Monteil (teclat), Edith Séguier (bateria) e Antoine Finòs (baisha).
Le CD d’Alidé Sans s’apèra “Eth paradís ei en tu”. Dejà CDs se venen a la fin deus concèrts. Serà distribuit per Karonte, un distributor madrilenc, a la fin de la prima. A l’Estat francés, serà disponible a la venta a partir de junh que veng per Harmonia Mundi.
Quasi un centenat de soscriptors, que passèn per l’associacion País de Catinon de Sent Lis, avón le privilègi de l’aver a la debuta de mai. Les autes pacientaràn un mòs ende un CD, tot en occitan, d’estile soul, romba e reggae.
Alidé Sans venguerà au rescontre deus liceans, le divendres 22 de mai de 14:30 a 16:30 ende presentar le son CD. Explicarà la collaboracion dambe les liceans deu cors d’occitan. Puèi la joena aranesa cantarà, pendent la recreacion de 15:30, unas creacions ende botar en musica le son prepaus sur le prumèr CD. L’entrada es liura e gratuita a tots, dins la mesura de las plaças disponiblas. Sufís d’anonciar la vòsta venguda au +33 (0)6 23 47 46 43.
Nicolau Rei Bèthvéder
Barcelona TV - #aranésòc. Presentacion del disc d'Alidé Sans
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que'm triga d'enténer lo CD, despuish lo temps qui n'entenem a parlar :-)
En concèrt, Alidé Sans qu'ei fantastica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Plan, mas cresi que la caldria far sortir un pauc del licèu de l'Isla de Bais. I
Que'm triga d'enténer lo CD, despuish lo temps qui n'entenem a parlar :-)
En concèrt, Alidé Sans qu'ei fantastica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari