Actualitats
François Hollande a Carcassona per rescontrar los èx-Pilpa
L’Institut d’Estudis Occitan d’Aude aviá mandat una letra dubèrta al cap de l’executiu francés per denonciar la situacion de l’occitan e las promessas non tengudas
Lo president francés François Hollande s’invitèt ièr a Carcassona ont aterriguèt a 16h30. Segon l’Elisi, fasiá aquel desplaçament per vesitar l’entrepresa “Fabrique du Sud” e rescontrar los elegits.
La Fabrique du Sud es lo talhièr de fabricacion de glaças qu’a succedit a l’entrepresa Pilpa que barrèt en julhet de 2012, sacrificada sus l’autar de la globalizacion e la quasi impoténcia e indiferéncia dels poders publics. Daissèt aperaquí 150 personas al caumatge. Un ramat de 19 obrièrs licenciats decidiguèron de metre en comun lors indemnitats de pèrda d’emplec e lor saber-far per s’associar jos la forma d’una SCOP e tornar prene lo camin de l’activitat. Uèi lo jorn, los èx-Pilpa fabrican de glaças artesanalas d’una excellenta qualitat jol nom de marca La Belle Aude. L’entrepresa fonciona plan e sortís de beneficis. A 17h00, lo president Hollande, flancat de son liberal ministre de l’economia Emmanuel Macron, anèt vesitar las installacions e rendèt omenatge a lor esperit d’entrepresa e a lor pugnacitat. E mai aquesta visita foguèsse una reconeissença d’aprèp la batalha, los 19 associats s’en mostrèron fièrs e esmoguts.
Aprèp la partida economica, François Hollande donèt una dimension politica a sa venguda en anar a 18h30 a la Sala del Dòma rescontrar los elegits (en primièr a pòrtas barradas, puèi publicament) e en prononciar un discors supausat èsser d’orientacion politica mas que fin finala foguèt essencialament un ramat de generalitats d’una ora e un quart: “La viticultura representa 10 milions d’excedent per an. Ne cal vendre de d’avions Rafale per n’arribar al meteis resultat”, “Aude compta fòrça pichòtas comunas. Las pichòtas comunas son una oportunitat per França”, “Avèm lo dever de fargar França e de far França”, “La reüssida partejada es lo camin que prepausi”.
Escapèt a degun que la rason vertadièra d’aqueste miniviatge en Occitània al delà de la politica generala èra la politica politiciana. Dins un contèxte d’impausicion per l’estat de la fusion de las doas regions Lengadòc-Rosselhon e Miègjorn-Pirenèus, de desagregament electoral pel Partit Socialista e de las futuras eleccions regionalas, Hollande causiguèt d’anar sus de tèrras ont los elegits socialistas son majoritat. L’acompanhèt la secretària d’estat Carole Delga, pressentida per èsser cap de lista socialista a las eleccions regionalas venentas.
L’Institut d’Estudis Occitan d’Aude aviá mandat una letra dubèrta al cap de l’executiu francés per denonciar la situacion de l’occitan e las promessas non tengudas e li demandar que quicòm enfin siá fach per la lenga nòstra.
Pauc de carcassoneses campavan sus l’itinerari que lo president seguiguèt dins Carcassona. Lo president se tornèt envolar per París a 21h30. Sa passejada lengadociana aurà durat 5 oras.
Aprèp la partida economica, François Hollande donèt una dimension politica a sa venguda en anar a 18h30 a la Sala del Dòma rescontrar los elegits (en primièr a pòrtas barradas, puèi publicament) e en prononciar un discors supausat èsser d’orientacion politica mas que fin finala foguèt essencialament un ramat de generalitats d’una ora e un quart: “La viticultura representa 10 milions d’excedent per an. Ne cal vendre de d’avions Rafale per n’arribar al meteis resultat”, “Aude compta fòrça pichòtas comunas. Las pichòtas comunas son una oportunitat per França”, “Avèm lo dever de fargar França e de far França”, “La reüssida partejada es lo camin que prepausi”.
Escapèt a degun que la rason vertadièra d’aqueste miniviatge en Occitània al delà de la politica generala èra la politica politiciana. Dins un contèxte d’impausicion per l’estat de la fusion de las doas regions Lengadòc-Rosselhon e Miègjorn-Pirenèus, de desagregament electoral pel Partit Socialista e de las futuras eleccions regionalas, Hollande causiguèt d’anar sus de tèrras ont los elegits socialistas son majoritat. L’acompanhèt la secretària d’estat Carole Delga, pressentida per èsser cap de lista socialista a las eleccions regionalas venentas.
L’Institut d’Estudis Occitan d’Aude aviá mandat una letra dubèrta al cap de l’executiu francés per denonciar la situacion de l’occitan e las promessas non tengudas e li demandar que quicòm enfin siá fach per la lenga nòstra.
Pauc de carcassoneses campavan sus l’itinerari que lo president seguiguèt dins Carcassona. Lo president se tornèt envolar per París a 21h30. Sa passejada lengadociana aurà durat 5 oras.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Segur es una simplificacion, malaisit de far d'un autre biais per aver una estimacion del nomre de caumaires ençò nòstre.Me cal apondre que i a caumaires que se sap que trobaran pas cap de trabalh en causa de lor edat. Sabem atanben que i a de retirats que trabalhan vist que lor retrata lor permet pas de viure.
Una causa es segura lo chifra de 10,5% (mejana) de caumaire l'ai pescat ençò de l'INSEE: avetz çai_jos los detalhs per departament.
Al quatren trimestre de 2014.
Allier 10,6
Alpes-de-Haute-Provence 12,0
Alpes-Maritimes 10,7
Ardèche 10,7
Ariège 12,3
Aude 14,1
Aveyron 7,3
Bouches-du-Rhône 12,0
Cantal 6,4
Corrèze 8,1
Creuse 9,7
Dordogne 10,9
Drôme 11,1
Gard 14,2
Gers 8,2
Gironde 10,1
Haute-Garonne 10,6
Haute-Loire 8,4
Hautes-Alpes 9,3
Hautes-Pyrénées 11,5
Haute-Vienne 9,8
Hérault 14,5
Landes 9,8
Lot 9,4
Lot-et-Garonne 10,1
Lozère 6,2
Puy-de-Dôme 8,7
Pyrénées-Atlantiques 8,7
Pyrénées-Orientales 15,4
Tarn 11,1
Tarn-et-Garonne 11,5
Var 11,4
Vaucluse 12,8
Moyenne 10,5
Mai d'aquò ai las estatisticas desempuèi 1982 atal se pòt seguir la creissença del caumatge trimestre per trimestre fins ara.
L'INSEE utiliza la definicion BIT (Burèu International del Trabalh de 1982 per díser se sias caumaire o mièg caumaire :-)
Pr'aquò, per los que nos parlan d'Occitània, gaireben cada jorn, saria plan de començar d'obrir los uèlhs, sus qualques donadas econòmicas..
I a un Carretal de trabalh a far sus tota l'econòmia "occitana",
Se voletz ajuda vòli ben amai s'avem de punt de vista disparièrs sul sicut.
#3 «La populacion estimada dels departaments occitans d'apèi los darniers chifras ( de 2012) es de :
16 611 318 e 10,5% de caumaires far 1 744 188 caumaires en çò nòstre.»
Prene en compte la populacion activa, e non pas totala, per far vòstre calcul, es tròp complicat ? Los dròlles, los vièlhs, al Pôle Emploi ? :D
Pel demai soi d'acòrdi amb vos, una gròssa simplificacion s'impausa. Mas bon, tot aquò a pas grand causa de veire amb la letra sus la situacion de l'occitan ! ;)
La creacion de cooperativas occitanas ei ua solucion per sauvar nostra econonia et nostra lenga: veire l'exemple de la Corporation Mondragon au Bascoat (http://europeecologie.eu/Cooperative-de-Mondragon-l).
La populacion estimada dels departaments occitans d'apèi los darniers chifras ( de 2012) es de :
16 611 318 e 10,5% de caumaires far 1 744 188 caumaires en çò nòstre.
Per lo plaser enquera qualquas chifras :
França e d'afièch Occitània es :
10,5% de caumaires
360 impaus e taxas
103 ajudas socialas diferentas
3500 paginas del còde del trabalh
618 384 eligits
1 851 primas
36 769 comunas
37 reegimas de retratas diferents
2 000 000 de jorns de grèva per an...
Un dèute qu'es 95% del PIB
Vos aconselhi de legir lo libre de Agnès Verdier-Moulinié "On va dans le mur"
Aquò's segur anem entà l'abraçada de la mòrt lo plan coneigut "deadlock"
A la fin de 2014 lo taus de caumatge per los departaments occitan es de 10,5 % en mejana.
Era de 10,1% al quatren trimestre de 2013, Era de 6,3% en 1982......
L'INSEE a previsit una aumentacion del caumatge en 2015.
Per començar de crear d'emplècs cal un taus de creissença de 2,5.
Amb una creissença de 1,5 començan d'aver un equilibri.
Avèm una creissença de 0,6% al prumièr trimestre de 2015.... çò que sufís pas per far demenesir lo caumatge.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari