Arriba ongan lo festenal Rio Loco amb fòrça vam per festejar lo 20n anniversari. Lo festenal de musicas d’Occitània e del Mond se tendrà a la prada dels Filtres de Tolosa del 17 al 21 de junh en tot percórrer sos diferents espacis geografics: Euròpa, America, Africa e Occitània.
 
Dempuèi 1995, Rio Loco es un rendètz-vos de pas mancar dins lo païsatge dels festenals d’estiu. S’agís d’una setmana de partatge popular e festiu dins un pargue natural de sièis ectaras al còr de Tolosa e al bòrd de Garona.
 
Lo festenal prepausa de musicas, d’espectacles pel public jove, d’arts visuals, de cinèma en plen aire, de gastronomia, d’artesanat... Pasmens, la tòca de l’eveniment es de rebatre la riquesa e la varietat culturala dels païses convidats.
 
Mai d’informacions e programa sus: www.rio-loco.org.