Actualitats
Irlanda: dison “Tá, comhionannas” al matrimòni omosexual
Es un cambiament important dins un país que simbolizava lo catolicisme conservator. Per lo primièr còp dins lo Mond, se votava sul matrimòni omosexual mejançant un referendum
Divendres 22 de mai, los irlandeses votèron per referendum per decidir se caliá o pas dobrir lo matrimòni als parelhs de meteis sèxe. Dins un país ont lo 84% de la populacion se declaran catolics e malgrat l’ostilitat de la Glèisa de Roma, an dich “Tá, comhionannas / Yes, equality” (Òc, egalitat). Amb una ampla majoritat del 62 % e una participacion electorala tanben fòrta, son d’efièch d’acòrdi amb aquesta frasa prepausada al vòte: “Lo matrimòni pòt èsser contractat segon la lei entre doas personas sens distincion de sèxe”. Dissabte de 23 de mai, de matin, abans que se coneguèsse los resultats definitius, lo primièr ministre de centredrecha, Enda Kenny, anoncièt la larga victòria de l"'òc".
Son de resultats que pòdon susprene en republica irlandesa. S’i permet lo divòrci nonmàs despuèi 1995 e interdison encara l’avortament, franc de risc de mòrt per la maire. Fins en 1993, las relacions omosexualas se podián sancionar per la lei. Totun, lo vòte sus la dobertura del matrimòni als omosexuals sembla de mostrar que las causas evolucionan lèu-lèu dins aquel estat que l’influenciava tradicionalament la Glèisa de Roma; ja, abans lo referendum, totes los partits del Parlament Nacional (Oireachtas) fasián campanha per que s’acceptèsse la modificacion de la lei. Los partisans del “non” èran mai que mai recampats dins d’associacions catolicas conservatrises.
Contrasta fòrça lo debat irlandés amb lo debat francés e occitan de fa mai de dos ans. En Irlanda, l’oposicion parlamentària militava pas per lo "non". Non s’organizèt pas nada protèsta multitudinària per carrièras coma las “manifestacions per totes” que recampavan de partits de drecha e d’extrèma drecha, de religioses conservators e d’omofòbs. Los partisans de l’”òc” temián nonmàs lo vòte rural, reputat tradicionalista.
Ara, la paradòxa es qu’aquel país que passava de còps per retrograd es vengut precursor: es lo primièr còp qu’un estat accèpte d’alargar lo matrimòni als parelhs omosexuals mejançant un referendum, e non pas per una decision parlamentària. Benlèu es la melhora pròva del cambiament qu’es a se passar dins la societat.
Son de resultats que pòdon susprene en republica irlandesa. S’i permet lo divòrci nonmàs despuèi 1995 e interdison encara l’avortament, franc de risc de mòrt per la maire. Fins en 1993, las relacions omosexualas se podián sancionar per la lei. Totun, lo vòte sus la dobertura del matrimòni als omosexuals sembla de mostrar que las causas evolucionan lèu-lèu dins aquel estat que l’influenciava tradicionalament la Glèisa de Roma; ja, abans lo referendum, totes los partits del Parlament Nacional (Oireachtas) fasián campanha per que s’acceptèsse la modificacion de la lei. Los partisans del “non” èran mai que mai recampats dins d’associacions catolicas conservatrises.
Contrasta fòrça lo debat irlandés amb lo debat francés e occitan de fa mai de dos ans. En Irlanda, l’oposicion parlamentària militava pas per lo "non". Non s’organizèt pas nada protèsta multitudinària per carrièras coma las “manifestacions per totes” que recampavan de partits de drecha e d’extrèma drecha, de religioses conservators e d’omofòbs. Los partisans de l’”òc” temián nonmàs lo vòte rural, reputat tradicionalista.
Ara, la paradòxa es qu’aquel país que passava de còps per retrograd es vengut precursor: es lo primièr còp qu’un estat accèpte d’alargar lo matrimòni als parelhs omosexuals mejançant un referendum, e non pas per una decision parlamentària. Benlèu es la melhora pròva del cambiament qu’es a se passar dins la societat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari