Actualitats
Catalonha a fòrabandit los racistas a las darrièras eleccions municipalas
Lo partit xenofòb Plataforma per Catalonha a perdut la majoritat dels conselhièrs municipals qu’obtenguèt fa 4 ans
Lo partit racista nomenat Plataforma per Catalonha, qu’obtenguèt qualques desenats de conselhièrs municipals dins qualques comunas del Principat de Catalonha en 2011, a practicament desaparegut a las darrièras eleccions municipalas que se celebrèron dimenge passat. Ont la siá casuda es estada màger es dins la vila de Vic, ont la formacion de Josep Anglada èra fins ara lo segond partit de la vila amb cinc conselhièrs municipals, mas ara es en darrièra posicion e solament n’aurà un.
De mai, aquel partit xenofòb a perdut tota sa representacion dins d’autras vilas ont èra important, coma es lo cas a Olot, L’Hospitalet de Llobregat, Santa Coloma de Gramenet, Sant Boi de Llobregat, Tàrrega, Mollerussa e Ripoll. Los racistas tendràn representacion solament a El Vendrell, ont avián 5 conselhièrs e ara n’auràn 3; a Salt, ont son passats de 3 a 2 conselhièrs; e a Mataró, ont de 3 conselhièrs ara ne demòra solament 1. A Amposta tenon lo sol conselhièr qu’avián.
Lo discors d’aquel partit es contra l’immigracion qu’arriba dins l’Estat espanhòl, mai que mai la que ven de l’America Latina e del Nòrd d’Africa. Se mòstran dobèrtament islamofòbs, exigisson cap de tolerància envèrs los malfactors e los terroristas e defendon las valors tradicionalas de la familha.
Lo discors racista del PP a Badalona capita mal
De mai, a Badalona, lo cònsol del Partit Popular (PP), conegut per son discors xenofòb, a patit tanben una fòrta revirada. Dins son eslogan de campanha electorala, parlava de “netejar Badalona”, en tenent un discors contra los immigrants. Amb los darrièrs resultats, los partits d’esquèrra parlan d’un pache per fòrabandir lo cònsol racista.
De mai, aquel partit xenofòb a perdut tota sa representacion dins d’autras vilas ont èra important, coma es lo cas a Olot, L’Hospitalet de Llobregat, Santa Coloma de Gramenet, Sant Boi de Llobregat, Tàrrega, Mollerussa e Ripoll. Los racistas tendràn representacion solament a El Vendrell, ont avián 5 conselhièrs e ara n’auràn 3; a Salt, ont son passats de 3 a 2 conselhièrs; e a Mataró, ont de 3 conselhièrs ara ne demòra solament 1. A Amposta tenon lo sol conselhièr qu’avián.
Lo discors d’aquel partit es contra l’immigracion qu’arriba dins l’Estat espanhòl, mai que mai la que ven de l’America Latina e del Nòrd d’Africa. Se mòstran dobèrtament islamofòbs, exigisson cap de tolerància envèrs los malfactors e los terroristas e defendon las valors tradicionalas de la familha.
Lo discors racista del PP a Badalona capita mal
De mai, a Badalona, lo cònsol del Partit Popular (PP), conegut per son discors xenofòb, a patit tanben una fòrta revirada. Dins son eslogan de campanha electorala, parlava de “netejar Badalona”, en tenent un discors contra los immigrants. Amb los darrièrs resultats, los partits d’esquèrra parlan d’un pache per fòrabandir lo cònsol racista.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Vòl dire que siatz per la pena de mòrt ?
"exigisson cap de tolerància envèrs los malfachors e los terroristas"; ieu tanben.
Lo racisme en Catalonha es malurosament pas limitat als candidats de PxC. Frasas racistas, intolerantas o islamofòbas, n'ai agudas legidas d'unas escrichas per de "sobiranistas" de CiU tanben.
que son davant*
#2 e mai los ecolòs dabans lo PP!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari