Actualitats
Una bandièra comuna per la nòstra planeta?
Lo dessenhaire suedés Oskar Pernefeldt prepausa una bandièra de la Tèrra per l’avenir
De bandièras, n'i a un fum: dels organismes internacionals, dels païses, dels territòris, de las municipalitats, dels partits e movements… Mas, per contra, i a pas cap de bandièra de la Tèrra dins son ensems. Al delà de la bandièra blava de l'ÒNU, que representa los gaireben dos cents Estats que ne fan partida, i a pas una bandièra comuna. Es per aquò que lo dessenhaire suedés, Oskar Pernefeldt prepausa la dicha International Flag of Planet Earth, coma una proposicion de futur.
Pernefeldt, del Beckmans College of Design d'Estocòlme, es l'autor d'aquel projècte per una nòva bandièra planetària non pas solament pensada per representar totes los abitants de la Tèrra, mas sustot per identificar la nòstra planeta dins las futuras missions e expedicions a l'espaci.
La proposicion de Pernefeldt se basa sus sèt anèls que forman una flor, simbòl de la vida sus la planeta; los anèls son interconnectats, çò que simboliza los ligams entre los umans e los païses; e la color dominanta es lo blau de l'aiga, l'element essencial per la vida sus la nòstra planeta. L'autor a pensat quitament a un ton de blau avenent perque contraste amb lo negre de l'espaci e lo blanc dels vestits dels astronautas.
Pernefeldt, del Beckmans College of Design d'Estocòlme, es l'autor d'aquel projècte per una nòva bandièra planetària non pas solament pensada per representar totes los abitants de la Tèrra, mas sustot per identificar la nòstra planeta dins las futuras missions e expedicions a l'espaci.
La proposicion de Pernefeldt se basa sus sèt anèls que forman una flor, simbòl de la vida sus la planeta; los anèls son interconnectats, çò que simboliza los ligams entre los umans e los païses; e la color dominanta es lo blau de l'aiga, l'element essencial per la vida sus la nòstra planeta. L'autor a pensat quitament a un ton de blau avenent perque contraste amb lo negre de l'espaci e lo blanc dels vestits dels astronautas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quau dessinador voliá se far de publicitat... Quò-es tot! Aquela idèa z-es completament debila...
#1 E totes los territòris ocupats ? Papoasia, Tibet, Sahara occidentau, Catalonha, Occitania Euskadi, las 200 nacions ameridianas, Bretanha… Ne volètz mai ? Abans de fargar una bandièra per la tèrra, nos caldriá demandar se representarà los pòbles del mond definits per lors lengas, o se representarà la dictatura financiària internacionala, banca mondialla, FMI e tota las rascanhas acarnassidas que botan uèi cada anciana democracia de genolhós dabant los interèsses privats de las multinacionalas.
Ei d'autopromocion d'ua enterpresa de mercatica. En l'istòria de las bandèras, i a frem d'exèmples de proposicions de bandèra de la Tèrra. Totun, la sola vertadèrament utilizada ei la de las Nacions Unidas. Los sols país qui ne son pas en las N. U. son la Ciutat deu Vatican, Taiwan e la Palestina (e totes los territòris ocupats: Papoasia, Tibet, Sahara occidentau...)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari