L’Union per un Movement Popular (UMP), un dels principals partits de l’estat francés, se poirà apelar Les Républicains (Los Republicans). Un tribunal de París a autorizat lo partit de Sarkozy a prene aquel nom, e mai se quatre associacions, de partits d’esquèrra e 143 particulars que lor nom d’ostal es “Républicain” avián presentat un recors en justícia contra lo fach que l’UMP pòsca prene aquela denominacion.
 
Los clamaires avián tanplan depausat una question prioritària de constitucionalitat al motiu que la procedura violariá l’article 4 de la constitucion francesa.
 
La justícia a rebutat aqueles clams, los considerant insufisentament fondats.