Duscas a aqueste dijòus 19 de julh, lo vilatge de Cucunhan (Corbièras) festeja tornar lo conte.
Al pè de on molin, fàcia al castèl de Queribús, onòra atal son brave curat, mai legendari que real, que se trapèt eròi d’un sermon escrit per l’Aquile Mir e représ per l’Anfòs Daudet.
D’alhors, un Concors del Sermon se tendrà dimars de vèspre amb un dotzenat de participants. Los contaires seràn per carrièras, al castèl, defòra o dins de salas o d’òrts, dimècres e dijòus, e a res-non-còsta.
La preséncia de la lenga d’Òc serà bèla amb: - dimècres; Los contaires occitans seràn plan presents aquesta setmana a Cucunhan: - dimècres: Celestin e Emili dison contes al vilatge dimècres (11h e 14h45) abans d’ anar presentar La mirgueta de la montanha a l’Estivada de Rodés; Alan Roch dirà Los contes del Lusèrp al castèl (11he 16h) - dijòus, seràn presents al vilatge lo Joan-Jaume Delpotz e sos Contes de la tèrra d’Òc (11h e 14h45), Ives Durand e sos Contes del país d’Òc (12h30 e 16h15) e Joseta Otto-Codina dirà pels pichons Las tres auquetas e L’eiriçonet al castèl (11h35 e 14h50).
Long de la jornada, se presentarà la mòstra IEO-Aude/CIRDÒC: Los amics de Joan de l’Ors (www.locirdoc.fr/exposvirtuelles/expos/joandelors/) En serada, tres espectacles son presentats jos tibanèl: amb Olivièr de Robèrt (dimars), Les Baladins du Miroir (dimècres) e Henri Gougaud (dijòus). Lo programa complet.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Henri Gougaud demèst tot aquel brave monde ! Quina vergonha ! El que se trufa e se chauta de la lenga del sieu paire e del sieu oncle, que li vira l'esquina e que l'ignòra supèrbament dins sos escrits. Lo país nòstres li servís sonque de fons de tablèu per nos contar sas nhòrlas de vençut qu'ensaja de trobar aquò agradiu… Urosament que l'amic Roch e los autres contaires relevaràn lo nivèl e Paratge…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari