Actualitats
Reforma del collègi: los sindicats d’ensenhaires cridan a la cauma l’11 de junh
L’occitan e d’autras matèrias seràn relegats als nòus ensenhaments practics interdisciplinaris
La reforma del collègi que vòl menar a tèrme l’estat francés a pas solament levat l’oposicion dels professors d’occitan, o de las autras lengas nacionalas de l’estat, mas tanben del collectiu dels ensenhaires en general. Los sindicats estatals SNES-FSU, SNEP, FO, CGT e SUD an apelat dins un comunicat a una cauma l’11 de junh per reclamar l’abrogacion del tèxt, segon çò que publica Le Monde.
Los sindicats planhon que la ministra francesa de l’educacion, Najat Vallaud-Belkacem, “refuse d’entendre las demandas dels personals d’ensenhament, d’educacion e d’orientacion del segond gra”.
En reaccion a las multiplas protèstas e manifestacions, que culminèron dins una jornada estatala de protèsta lo 19 de mai passat, Vallaud-Belkacem accelerèt l’agenda de la reforma prevista per intrar en vigor a la rintrada de 2016.
Una reforma majoritàriament refusada
Segon los ensenhaires en protèsta la reforma que la prepausa la empejorarà la situacion actuala e possarà una partida dels parents a se n’anar dins l'ensenhament privat. En mai d'aquò, se dison malcontents de la desinformacion de l’administracion e quitament deploran d’“informacions falsas”.
Demièg d’autres aspèctes, aquela reforma cèrca de metre l’accent sus l’aprendissatge de las matèrias que la ministra considèra fondamentalas, e doncas, l’occitan e d’autras matèrias seràn relegats als nòus ensenhaments practics interdisciplinaris (ÈPI) , amb una ora per setmana.
Una peticion de mai de 5700 signaturas
Per mostrar lo desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion, qu’a ja atench mai de 5700 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Manifestacion a Peireguers per l’occitan a l’escòla
De mai, se prepara una manifestacion solament per revendicar l’occitan dins l’ensenhament: a l’escòla, al collègi e al licèu, pel 6 de junh que ven a Peireguers (Peiregòrd Central).
Lo Collectiu Occitan Peiregòrd fa una crida a manifestar a Peireguers lo 6 de junh que ven per revendicar l’occitan a l’escòla, al collègi e al licèu. Dins aquel sens, lo collectiu demanda a las associacions, als amoroses de la lenga e de la cultura, als escolans, als elegits e a tot lo mond de bona volontat d’i participar.
Los sindicats planhon que la ministra francesa de l’educacion, Najat Vallaud-Belkacem, “refuse d’entendre las demandas dels personals d’ensenhament, d’educacion e d’orientacion del segond gra”.
En reaccion a las multiplas protèstas e manifestacions, que culminèron dins una jornada estatala de protèsta lo 19 de mai passat, Vallaud-Belkacem accelerèt l’agenda de la reforma prevista per intrar en vigor a la rintrada de 2016.
Una reforma majoritàriament refusada
Segon los ensenhaires en protèsta la reforma que la prepausa la empejorarà la situacion actuala e possarà una partida dels parents a se n’anar dins l'ensenhament privat. En mai d'aquò, se dison malcontents de la desinformacion de l’administracion e quitament deploran d’“informacions falsas”.
Demièg d’autres aspèctes, aquela reforma cèrca de metre l’accent sus l’aprendissatge de las matèrias que la ministra considèra fondamentalas, e doncas, l’occitan e d’autras matèrias seràn relegats als nòus ensenhaments practics interdisciplinaris (ÈPI) , amb una ora per setmana.
Una peticion de mai de 5700 signaturas
Per mostrar lo desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion, qu’a ja atench mai de 5700 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Manifestacion a Peireguers per l’occitan a l’escòla
De mai, se prepara una manifestacion solament per revendicar l’occitan dins l’ensenhament: a l’escòla, al collègi e al licèu, pel 6 de junh que ven a Peireguers (Peiregòrd Central).
Lo Collectiu Occitan Peiregòrd fa una crida a manifestar a Peireguers lo 6 de junh que ven per revendicar l’occitan a l’escòla, al collègi e al licèu. Dins aquel sens, lo collectiu demanda a las associacions, als amoroses de la lenga e de la cultura, als escolans, als elegits e a tot lo mond de bona volontat d’i participar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins son ministeri e dins los corredors de la politica la sonan l'ayatollah la Vallaud-Belkacem...
Elha, z-es ben coneguda par son autòritarisme! E meima se pense qu'avem razon de credar e que nos fau far quand meima de las chaumas, crese tanben que se'n fot de tot aquò-quí que direm... s***********a!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari