Actualitats
L’eissordanta fiulada contra l’imne espanhòl dins la finala de la Copa del Rei de fotbòl
Los fiulets de catalans e bascos an cobèrt completament lo son dels nautparladors de l’estadi. Lo govèrn espanhòl cèrca de multar los dos clubs de fotbòl que s’afrontavan
Una fiulada massissa, eissordanta e espectaclosa contra l’imne espanhòl se debanèt dissabte de ser al Camp Nòu, lo terren de fotbòl de l’FC Barcelona que jogava la finala de la Copa del Rei de fobtòl contra l’Athletic de Bilbao. La copa la ganhèt l’esquipa catalana 3-1.
Al començament de la partida, en preséncia del rei d’Espanha, catalans e bascos protestèron a l’encòp contra l’imne d’Espanha e la figura del rei, d’un biais unanim, e mai se lo Conselh Superior de l’Espòrt aviá menaçat los 2 clubs de fotbòl amb de multas s’òm cridava contra los simbòls espanhòls.
De mai de mai, en seguissent las proposicions de qualques associacions civilas, una granda partida de l’estadi revendiquèt l’independéncia, en cridar a la minuta 17:14, com se fa abitualament dins aquel terren de fotbòl.
Denóncia del govèrn espanhòl
E mai s’es pas lo primièr còp que catalans e bascos fiulan contra l’imne espanhòl (se passèt tanben en 2009 a Valéncia e en 2012 a Madrid), lo govèrn espanhòl a condemnat la fiulada. Lo comunicat de l’exectiu de Mariajo Rajoy considèra que s’agís d’un “atac contra los simbòls” e tanben d’un “atac contra la democracia”. Lo govèrn espanhòl aviá ja menaçat pendent la setmana passada amb de multas.
En mai d’aquò, lo comunicat del govèrn espanhòl anóncia qu’aqueste diluns s’amassa la comission espanhòla contra la violéncia, lo racisme, la xenofobia e l’intolerància dins l’espòrt amb la tòca de “denonciar las accions inconvenentas e de prepausar las sancions que ne deriven”.
Sosten del govèrn catalan
De son costat lo president de la Generalitat, qu’en aquel moment èra dins l’estadi al costat del rei d’Espanha, a dich que çò que fa lo govèrn espanhòl tocant la fiulada de l’imne “es ridicul”.
La Generalitat de Catalonha a anonciat que sosten los dos clubs de fotbòl e los ajudarà a evitar las multas. “Veirem ben cossí evolucionarà tot aquò, mas sostendrem lo Barça e evitarem que los dos clubs implicats ajan quina que siá responsabilitat sus aquò”, çò diguèt lo secretari general de l’espòrt de Catalonha, Ivan Tibau.
Al començament de la partida, en preséncia del rei d’Espanha, catalans e bascos protestèron a l’encòp contra l’imne d’Espanha e la figura del rei, d’un biais unanim, e mai se lo Conselh Superior de l’Espòrt aviá menaçat los 2 clubs de fotbòl amb de multas s’òm cridava contra los simbòls espanhòls.
De mai de mai, en seguissent las proposicions de qualques associacions civilas, una granda partida de l’estadi revendiquèt l’independéncia, en cridar a la minuta 17:14, com se fa abitualament dins aquel terren de fotbòl.
Denóncia del govèrn espanhòl
E mai s’es pas lo primièr còp que catalans e bascos fiulan contra l’imne espanhòl (se passèt tanben en 2009 a Valéncia e en 2012 a Madrid), lo govèrn espanhòl a condemnat la fiulada. Lo comunicat de l’exectiu de Mariajo Rajoy considèra que s’agís d’un “atac contra los simbòls” e tanben d’un “atac contra la democracia”. Lo govèrn espanhòl aviá ja menaçat pendent la setmana passada amb de multas.
En mai d’aquò, lo comunicat del govèrn espanhòl anóncia qu’aqueste diluns s’amassa la comission espanhòla contra la violéncia, lo racisme, la xenofobia e l’intolerància dins l’espòrt amb la tòca de “denonciar las accions inconvenentas e de prepausar las sancions que ne deriven”.
Sosten del govèrn catalan
De son costat lo president de la Generalitat, qu’en aquel moment èra dins l’estadi al costat del rei d’Espanha, a dich que çò que fa lo govèrn espanhòl tocant la fiulada de l’imne “es ridicul”.
La Generalitat de Catalonha a anonciat que sosten los dos clubs de fotbòl e los ajudarà a evitar las multas. “Veirem ben cossí evolucionarà tot aquò, mas sostendrem lo Barça e evitarem que los dos clubs implicats ajan quina que siá responsabilitat sus aquò”, çò diguèt lo secretari general de l’espòrt de Catalonha, Ivan Tibau.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No hi vaig ésser al camp, però jo també xiulava.
Visca la Terra...Lliure!
"Tàrrega".
Shiulavan la "Marcha real" mes la shiulavan mau
Es lo fotbòl de uei malurosament.
#3 Evidentament qu'es pas realista! Es per badinar un pauc! Mas me sembla un pauc malcortés de participar a una copa qu'a lo nom de la persona que volèm pas veire. Pels afars de moneda (parli pas mai d'esport ni de politica) vesèm plan qu'en Catalonha coma pertat : l'argent a pas d'odor, ni de color. S'es mai rentabla una Catalonha independenta, l'argent i anirà, s'es mai rentable de demorar en Liga i demorarà, s'es mai rentable, e s'es mai rentable de jogar lo campionat d'Itàlia o d'Alemanha, es pas impossible que i arriben pas!
#2
Quina valor aurà una victòria en copa d'Iberia, dins una competicion non reconeguda per la Fifa ?
Pensi pas que siegue realista. Tanben siáu segur qu'amai se Catalonha ven independenta, restarà en Liga: ausarà pas partir (lo club perdrà sa competitivitat e donc sei jogaires) e de l'autra man, la Liga poudrà pas forrabandir un dei mai grands clubs dau monde.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari