La montaha mai nauta de l’Union Europèa, lo Mont Blanc en Arpitània, es la protagonista de la fotografia mai granda que s’es facha fins ara. S’agís d’un imatge creat a partir de 70 000 fotografias, fachas pendent 35 oras a una nautor de 3500 mètres. L’autor, Filippo Blengini, e sa còla, an publicat l’imatge sus in2white.com, un sit que permet de navigar per tota la fotografia. L’usatgièr pòt veire lo panorama general e tanben se sarrar e veire los detalhs de la montanha.
 
Prene aquel imatge prenguèt trenta cinc oras de trabalh e una pòstproduccion de dos meses. Se l’imatge final s’estampèsse a 300 dpi, auriá las meteissas dimensions qu’un terren de fotbòl.
 
Al delà de la nautor e de la dificultat d’accedir a un dels ponches mai nauts d’Euròpa, la produccion de la fotografia deguèt superar mai de dificultats, coma l’illuminacion o la temperatura de l’endrech (d’aperaquí mens 10 gras).
 
La còla de vint personas que i trabalhèt enregistrèt tanben un vidèo que mòstra cossí se debanèt lo procès: