Actualitats
Es mòrt Jacques Parizeau, impulsor del referendum de Quebèc de 1995
L'economista e èx-dirigent de l'independentista Partit Quebequés aviá ochanta quatre ans
L'economista e politic Jacques Parizeau, primièr ministre de Quebèc de 1994 a 1996, se moriguèt diluns a Montréal dins sos ochanta quatre ans. Parizeau, un dels dirigents istorics del Partit Quebequés (PQ), foguèt lo principal promotor davant lo govèrn del segond referendum sus l’independéncia de Quebèc, en 1995, ont lo “non” s’impausèt pas que per un estrech marge de vòtes (50,58%).
Nascut a Montréal lo 9 d'agost de 1930, Parizeau estudièt l’economia tant a París coma Londres. Rintrat en Quebèc, intrèt dins lo govèrn de René Lévesque (PQ) coma ministre de las finanças en 1976 e contribuiguèt a la creacion del plan de pensions quebequés e a la nacionalizacion de las centralas idroelectricas, dos aspèctes considerats clau dins la dicha Revolucion Tranquilla del país envèrs la modernizacion e la secularizacion.
Nascut a Montréal lo 9 d'agost de 1930, Parizeau estudièt l’economia tant a París coma Londres. Rintrat en Quebèc, intrèt dins lo govèrn de René Lévesque (PQ) coma ministre de las finanças en 1976 e contribuiguèt a la creacion del plan de pensions quebequés e a la nacionalizacion de las centralas idroelectricas, dos aspèctes considerats clau dins la dicha Revolucion Tranquilla del país envèrs la modernizacion e la secularizacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari