Actualitats
Belgica apròva la scission del districte de BHV, revendicacion istorica del nacionalisme flamenc
La nòva mesura empedirà qu’en la majoritat de las municipalitats del Brabant Flamenc se pòsca votar per de partits francofòns. Los independentistas flamencs refusan l’acòrdi, perque exclutz sièis localitats de nauta concentracion francofòna a l’entorn de Brussèlas.
Divendres passat foguèt una jornada istorica en Belgica. Lo Parlament del país votèt e aprovèt la scission del districte electoral e judicial de Brussèlas-Halle-Vilvoorde (BHV), una revendicacion que lo nacionalisme flamenc teniá dempuèi los ans 60. L’existéncia d’aquel districte permetiá que los sieus residents poguèsson votar per de partits francofòns malgrat que mai de la mitat del sieu territòri se tròba en Flandra. Dins lo rèsta de Flandra, se pòt votar solament per de partits flamencs del temps qu’en Valonia es solament possible de votar per de partits francofòns.
Los partits francofòns s’èran opausats, fins a la legislatura actuala, a dividir lo districte. Mas l’enòrme progrès de l’independentisme flamenc a las eleccions bèlgas de 2010 (quand l’NVA venguèt la fòrça mai votada en Flandra e dins l’ensems de Belgica) obliguèt los partits francofòns a repensar la lor posicion. Lo cap dels socialistas francofòns e ara primièr ministre bèlga, Elio Di Rupo, admetèt que caldriá far un cambiament institucional en Belgica.
Es aital que la majoritat parlamentària que sosten Di Rupo (los democratas crestians, los socialistas e los liberals, tant los flamencs coma los francofòns dins los tres cases) a pachejat la scission de BHV. Dijòus passat, lo Senat l’aprovèt e divendres o faguèt la Cambra dels Representants.
Es pas una scission completa, çò planhon los independentistas
Los independentistas flamencs son pas satisfaches amb la reforma, pr’amor qu’en sièis municipalitats flamencas, mas frontalièras amb la region de Brussèlas, los residents poiràn contunhar de votar per los partits francofòns que se presenten dins las listas brusselesas. Aquelas municipalitats concentran una partida importanta dels residents francofòns de Flandra. Pels independentistas, permetre qu’en aquelas municipalitats se pòsca contunhar de votar per de partits francofòns implica de rebaissar l’acòrdi de scission de BHV, e es per aquel motiu que l’NVA e lo Vlaams Belang an pas volgut sosténer l’acòrdi.
Una mapa complèxa
Lo districte de BHV compren, d’un caire, la region de Brussèlas (qu’a un estatut autonòm separat de Flandra e ont se pòt votar tant per de partits flamencs coma per de francofòns; sus l’imatge, es en color verda) e, d’autre caire, la zòna occidentala de la província del Brabant Flamenc (en gris escur) que fa partida de Flandra (en gris escur e gris clar). Las municipalitats flamencas ont se poirà contunhar de votar per de partits francofòns son marcadas en irange sus la mapa.
Los partits francofòns s’èran opausats, fins a la legislatura actuala, a dividir lo districte. Mas l’enòrme progrès de l’independentisme flamenc a las eleccions bèlgas de 2010 (quand l’NVA venguèt la fòrça mai votada en Flandra e dins l’ensems de Belgica) obliguèt los partits francofòns a repensar la lor posicion. Lo cap dels socialistas francofòns e ara primièr ministre bèlga, Elio Di Rupo, admetèt que caldriá far un cambiament institucional en Belgica.
Es aital que la majoritat parlamentària que sosten Di Rupo (los democratas crestians, los socialistas e los liberals, tant los flamencs coma los francofòns dins los tres cases) a pachejat la scission de BHV. Dijòus passat, lo Senat l’aprovèt e divendres o faguèt la Cambra dels Representants.
Es pas una scission completa, çò planhon los independentistas
Los independentistas flamencs son pas satisfaches amb la reforma, pr’amor qu’en sièis municipalitats flamencas, mas frontalièras amb la region de Brussèlas, los residents poiràn contunhar de votar per los partits francofòns que se presenten dins las listas brusselesas. Aquelas municipalitats concentran una partida importanta dels residents francofòns de Flandra. Pels independentistas, permetre qu’en aquelas municipalitats se pòsca contunhar de votar per de partits francofòns implica de rebaissar l’acòrdi de scission de BHV, e es per aquel motiu que l’NVA e lo Vlaams Belang an pas volgut sosténer l’acòrdi.
Una mapa complèxa
Lo districte de BHV compren, d’un caire, la region de Brussèlas (qu’a un estatut autonòm separat de Flandra e ont se pòt votar tant per de partits flamencs coma per de francofòns; sus l’imatge, es en color verda) e, d’autre caire, la zòna occidentala de la província del Brabant Flamenc (en gris escur) que fa partida de Flandra (en gris escur e gris clar). Las municipalitats flamencas ont se poirà contunhar de votar per de partits francofòns son marcadas en irange sus la mapa.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amusa te de prononciar "fachs"!
#3 Zo diria pas entau. Qu'es pusleu los valons los c... per que volian pas d'un estat completament bilingue! N'i a mas Bruxellas qu'es bilingue. Bruxelles, istoricament de lenga flamenca, emai dins las Flandras mas coma lo poder era francofòne, l'an laissat bilingue. E aura coma la populacion francofòna es mai importanta e que passa la frontiera linguistica, demanden daus drechs (escòla, partits, ...). Mas los flamencs an pas mai lo drech de votar per daus partits flamencs en zòna francofòna.
Bon exemple de seguir! Qu'ei òra de liberar Sent Martin deu Toish, Sent Simon e quitament Sent Subran de la dominacion gallica. B'exigeishem la separacion de l'arriba esquèrra de la dreta a Tolosa, right now! Free Aquitània! Com ac disèva Sans Ipensar II, duc deus Vascons au son cosin Lop Aspratic III, duc de Gasconha: Lo gas con es d'esquist e l'aquí tanha! O quauquarren atau.
Que son hèra c... eths nacionalistas flamencs qui van dinc a empachar ath monde de votar taths partits qui vòlen !
#1 e sinon que n'as pensat, de l'article ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari