Actualitats
Limarga: la segonda edicion del festenal Escambis capita ben
Lo festenal se debanèt a Sant Seren e Sant Joan de la Ginèsta la dimenjada de Pentacosta
La segonda edicion del Festenal Escambis e sas divèrsas animacions foguèron una reüssida pendent la dimenjada de Pentacosta, a Sant Seren e Sant Joan de La Ginèsta (Limarga), amb de participants d’un pauc de pertot: Auvèrnhe, Carcin, Gasconha, Lengadòc e Roergue.
Tot comencèt lo divendres 22 de mai amb lo recampament escolar qu’amassèt una centena d’escolans practicant l’occitan a Sant Seren amb de comptinas, de cançons, de danças pels de la mairala e del primari, una peçòta de teatre, l’Orientacion de Batiston, pels collegians e la lectura d’un conte, Lo Caval de la Calquièra, pels liceans. D’aprèsmiègjorn, lo contaire Clamenç Boscarèl intervenguèt amb plan de biais, coma de costuma.
Una discussion instructiva amb lo realizaire Patrick Lavaud se debanèt en seguida de la projeccion de son filme Lenga d’Amor. E la serada s’acabèt amb Menabruch, grop d’avenir, aligant musica e cants dins un ambient festiu.
Lo dissabte 23 de mai de matin, de jòcs de tota mena, prepausats pels parents de la Calandreta, regalèron pichons e grands al jardin public de Sant Seren. D’aprèsmiègjorn, pendent lo mercat artisanal, sus la Plaça de la Republica, las lecturas de Sèrgi Irondèla, la conferéncia de Sèrgi Gairal e l’exposicion-diaporama sul Molin de Conhaguet, realizada pels escolans dels corses d’occitan per adultes, foguèron de granda qualitat. L’inauguracion del Festenal, a Sant Joan de la Ginèsta, se faguèt en preséncia dels calandrons de Sant Seren, de Monica Martinhac, consolessa del vilatge e conselhièra regionala, de Miquèla Saint-Chamant e Flòra Gouzou, adjonchas a la cultura e a la joventut de Sant Seren, de Josiana Brassac-Dijoux, cargada de la cultura de Tula, e las copresidentas de la Calandreta de l’Esquiròl. Puèi, lo moment fòrt del Festenal foguèt lo repais e lo balèti amb l’escòla de musica de Fijac e lo Duo Brotto-Lopez. Enfin, lo dimenge 24 de mai, i aguèt Trabol, comic excellent, que cabucèt lo mond dins sas istòrias e lo faguèt rire de cap en cima, e En Gaouach, duo prometeire, amb un repertòri de cançons de dançar e de “tchatche raggamuffin”, al son de l’acordeon cromatic e del tamborin.
Òsca a l’associacion organizaira Aquí l’Òc que, amb pauc de mejans, bèlcòp de vam e gràcias a totes sos benevòls, realizèt una dimenjada formidabla. A l’an que ven!
Estève Clerc
Tot comencèt lo divendres 22 de mai amb lo recampament escolar qu’amassèt una centena d’escolans practicant l’occitan a Sant Seren amb de comptinas, de cançons, de danças pels de la mairala e del primari, una peçòta de teatre, l’Orientacion de Batiston, pels collegians e la lectura d’un conte, Lo Caval de la Calquièra, pels liceans. D’aprèsmiègjorn, lo contaire Clamenç Boscarèl intervenguèt amb plan de biais, coma de costuma.
Una discussion instructiva amb lo realizaire Patrick Lavaud se debanèt en seguida de la projeccion de son filme Lenga d’Amor. E la serada s’acabèt amb Menabruch, grop d’avenir, aligant musica e cants dins un ambient festiu.
Lo dissabte 23 de mai de matin, de jòcs de tota mena, prepausats pels parents de la Calandreta, regalèron pichons e grands al jardin public de Sant Seren. D’aprèsmiègjorn, pendent lo mercat artisanal, sus la Plaça de la Republica, las lecturas de Sèrgi Irondèla, la conferéncia de Sèrgi Gairal e l’exposicion-diaporama sul Molin de Conhaguet, realizada pels escolans dels corses d’occitan per adultes, foguèron de granda qualitat. L’inauguracion del Festenal, a Sant Joan de la Ginèsta, se faguèt en preséncia dels calandrons de Sant Seren, de Monica Martinhac, consolessa del vilatge e conselhièra regionala, de Miquèla Saint-Chamant e Flòra Gouzou, adjonchas a la cultura e a la joventut de Sant Seren, de Josiana Brassac-Dijoux, cargada de la cultura de Tula, e las copresidentas de la Calandreta de l’Esquiròl. Puèi, lo moment fòrt del Festenal foguèt lo repais e lo balèti amb l’escòla de musica de Fijac e lo Duo Brotto-Lopez. Enfin, lo dimenge 24 de mai, i aguèt Trabol, comic excellent, que cabucèt lo mond dins sas istòrias e lo faguèt rire de cap en cima, e En Gaouach, duo prometeire, amb un repertòri de cançons de dançar e de “tchatche raggamuffin”, al son de l’acordeon cromatic e del tamborin.
Òsca a l’associacion organizaira Aquí l’Òc que, amb pauc de mejans, bèlcòp de vam e gràcias a totes sos benevòls, realizèt una dimenjada formidabla. A l’an que ven!
Estève Clerc
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Osca a l'associacion organizaire" E. Clerc autor d'aquel article es lo president de la dicha associacion ! Autosatisfaccion e manca d´objectivitat ! An pas trobat degus pus en Carcin per far un rendut compte !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari