Lo marmandés Pierrick Fedrigo (FDJ-Big Mat) s’impausèt arsèir a Pau (Bearn), au cap d’una escapada d’un centenat de quilomètres.

Es la quatau victòria dens lo Torn deu corredor marmandés, e la dusau de rèng en la capitala bearnesa, ont s’èra dejà impausat en 2010. S’amuisha atau com un especialista deus passatges de l’espròva en Occitània (emportèt tanben victòrias en Gap e Tarba). Après una annada 2011 de las complicadas que Fedrigo, vedot sa temporada guastada per la malautia de Lyme, aquera performància marca lo tornar deu marmandés au nivèu mei haut.
 
Si s’acabèt dab una avança pro confortabla peus escapats, l’etapa de gèir estot teatre d’una beròia luta entre peloton e atacants. Los companhs de Bradley Wiggins, pauc dispausats a deishar partir los mantuns pretendents a l’escapada, s’avoren de resignar a la fin finala, lassats de miar la perseguida shens nada ajuda de las autas còlas d’esprintaires.
 
Doman, los corredors se poiràn pausar un dia, avant d’assautar dimèrcs e dijaus los Pirenèus, en esperar que la dominacion deu Wiggins sii enfin contestada peus autes concurrents.
 
 
Samatan (Savés) – Pau (Bearn)
 
1. P. Fedrigo
2. C. Vandevelde
3. T. Voeckler
4. N. Sorensen
5. D. Devenyns
18. M. Ladagnous
28. J. Marino
74. J. Peraud
113. B. Kadri
147. Y. Huguet

 
Classament generau
 
1. B. Wiggins (68h33’21’’)
2. C. Froome (a 02’05’’)
3. V. Nibali (a 02’23’’)
4. C. Evans (a 03’19’’)
5. J. Van Den Broeck (a 04’48’’)
38. J. Peraud (a 59’50’’)
40. P. Fedrigo (a 1h03’43’’)
91. M. Ladagnous (a 1h47’33’’)
99. B. Kadri (a 1h52’07)
135. J. Marino (a 2h20’02’’)
147. Y. Huguet (a2h29’40’’)
 
 
 
 
 
Pèir-Joan Masdiset