Actualitats
Lenga bretona: declaracion solemna del conselh municipal de Kemper
Vòtan a l'unanimitat una politica ambiciosa en favor de lor lenga pròpria
Segon nòstres confraires del quotidian Ouest-France, lo conselh municipal de la vila bretona de Kemper, dirigida per la drecha (Los Republicans), s'es solemnament engatjat en favor d'una politica lingüistica que sa tòca es lo desvolopament de la lenga celtica pròpria de Bretanha.
Votèron d'efièch, divendres 5 de junh, una declaracion, a l'unanimitat, e bilingüa francés-breton, que definís mai d'un ais prioritari: ''Desvolopar la visibilitat de la lenga bretona, sosténer lo bilingüisme precòç, avalorar los eveniments culturals emblematics, desvolopar la lenga bretona dins los documents administratius…''
Per menar de manièra transversala aquela politica, emplegaràn, coma tanben o votèron, un encargat de mission a mièg temps. Segon la consolessa adjoncha Isabelle Le Bal, se tractarà ansin ''de far de Kemper
la capitala de la cultura bretona''.
Ja se pòt observar que lo sit de la vila es bilingüe francés-breton e fa servir lo nom de domeni ''.bzh''.
Esperem qu'aquela declaracion solemna venguda de Bretanha inspire de comunas occitanas.
Votèron d'efièch, divendres 5 de junh, una declaracion, a l'unanimitat, e bilingüa francés-breton, que definís mai d'un ais prioritari: ''Desvolopar la visibilitat de la lenga bretona, sosténer lo bilingüisme precòç, avalorar los eveniments culturals emblematics, desvolopar la lenga bretona dins los documents administratius…''
Per menar de manièra transversala aquela politica, emplegaràn, coma tanben o votèron, un encargat de mission a mièg temps. Segon la consolessa adjoncha Isabelle Le Bal, se tractarà ansin ''de far de Kemper
la capitala de la cultura bretona''.
Ja se pòt observar que lo sit de la vila es bilingüe francés-breton e fa servir lo nom de domeni ''.bzh''.
Esperem qu'aquela declaracion solemna venguda de Bretanha inspire de comunas occitanas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2#3 Avetz rason totes dos e me soi mal exprimit. Puslèu qu'un eròi- emai agesse ieu plan d'admiracion per çò que ven de far, es un exemple....
#2 Volem nosati hèr-ne un eròi? O dilhèu ne volem hèm un exemple a seguir? #caucontunhar #calcontinuar
#1 Cresètz qu'es çò que vòl Grosclaude, que se fague d'el un "eròi" ?
Sem luenh de la situacion de Kemper, dins las vilas occitanas comparablas. Quand un pichon quicòm i se fa, jos la pression d'associacions occitanista- , es acceptat per la municipalitat, non pas dins l'amira d'una politica de recuperacion e de desvolopoment de la lenga, mas en se pensant qu'un pichon quicòm ( panèls per exemple) "color locala" pòt pas far de mal, e risca d'agradar als torista. L' occitan ven un element del décor al mieg d'autres. Mas se una jove postula a la comuna per una plaça, li servirá pas a gaire de metre dins son CV que coneis l'occitan.
Emai , se deu èstre al contact amb'l public, se ela a encara servat un accent occitan, li sera preferit una que parla ponchut ! Esperem que trantalhen las linhas, amb , per exemple, las luchas coma aquela, eroica, de David Grosclaude
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari