Actualitats
Peireguers: tres cents personas an manifestat per l’occitan a l’escòla, al collègi e al licèu
La reforma de l’educacion als collègis de l’estat francés prevei de marginalizar mai encara l’ensenhament de l’occitan
Aperaquí 300 personas an manifestat aqueste dissabte 6 de junh per carrièras de Peireguers per revendicar l’occitan a l’escòla, al collègi e al licèu. Dins aquela primièra manifestacion per l’occitan en Peiregòrd, òm a protestat mai que mai contra la reforma de l’educacion als collègis de l’estat francés que s’aplicariá per la rintrada de 2016. La reforma prevei de marginalizar mai encara l’ensenhament de las lengas minorizadas de l’estat, que quitaràn d’èsser de disciplinas e que seràn relegadas a las practicas interdisciplinàrias, amb una ora per setmana.
“Chasca annada, dins l’enchastre de la convencion region-rectorat-departament, dobrissèm la possibilitat a nòstres enfants d’aprene l’occitan dins de nuòus collègis de Peiregòrd: Brantòsme en 2013, Sarlat en 2014, Sant Abre en 2015”, çò a declarat a Sud-Ouest Marçau Peyrouny, pòrtavotz del Collectiu Occitan Peiregòrd e professor d’occitan al collègi e licèu Betran de Bòrn a Peireguers.
La reforma francesa dels collègis es un pas enrèire quitament per rapòrt a la lei francesa de l’educacion de 2013 e, un còp de mai, contra la lenga occitana. Gaireben totas las associacions restacadas a l’ensenhament de las lengas mal nomenadas regionalas se son mobilizadas contra la reforma, tant la FÈLCO d’Occitània coma Ikas-Bi del Bascoat, e parièr per totas las autras lengas. E mai, lo collectiu dels ensenhaires en general es majoritàriament contra aquela reforma, per d’autras rasons.
Lo 19 de mai passat i aguèt una jornada de protèsta contra aquela reforma al nivèl nacional e quitament al nivèl estatal. En Occitània, aquel jorn, se manifestèt a Bordèu, Carcassona, Clarmont-Ferrand, Lemòtges, Marselha, Montpelhièr, Mende, Narbona, Nimes, Niça, Tolon e Tolosa. Los ensenhaires d’occitan foguèron plan presents dins aquelas manifestacions, mas aquela de ièr a Peireguers es la primièra manifestacion especificament per l’occitan a l’escòla.
Una peticion de mai de 5900 signaturas
Per mostrar lor desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion Estatala, qu’a ja atench mai de 5900 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
“Chasca annada, dins l’enchastre de la convencion region-rectorat-departament, dobrissèm la possibilitat a nòstres enfants d’aprene l’occitan dins de nuòus collègis de Peiregòrd: Brantòsme en 2013, Sarlat en 2014, Sant Abre en 2015”, çò a declarat a Sud-Ouest Marçau Peyrouny, pòrtavotz del Collectiu Occitan Peiregòrd e professor d’occitan al collègi e licèu Betran de Bòrn a Peireguers.
La reforma francesa dels collègis es un pas enrèire quitament per rapòrt a la lei francesa de l’educacion de 2013 e, un còp de mai, contra la lenga occitana. Gaireben totas las associacions restacadas a l’ensenhament de las lengas mal nomenadas regionalas se son mobilizadas contra la reforma, tant la FÈLCO d’Occitània coma Ikas-Bi del Bascoat, e parièr per totas las autras lengas. E mai, lo collectiu dels ensenhaires en general es majoritàriament contra aquela reforma, per d’autras rasons.
Lo 19 de mai passat i aguèt una jornada de protèsta contra aquela reforma al nivèl nacional e quitament al nivèl estatal. En Occitània, aquel jorn, se manifestèt a Bordèu, Carcassona, Clarmont-Ferrand, Lemòtges, Marselha, Montpelhièr, Mende, Narbona, Nimes, Niça, Tolon e Tolosa. Los ensenhaires d’occitan foguèron plan presents dins aquelas manifestacions, mas aquela de ièr a Peireguers es la primièra manifestacion especificament per l’occitan a l’escòla.
Una peticion de mai de 5900 signaturas
Per mostrar lor desacòrdi, e per demandar que l’ensenhament de las nòstras lengas se mantenga, per que se melhore la precària situacion actuala, s’es lançada una peticion publica devèrs lo Ministèri francés de l’Educacion Estatala, qu’a ja atench mai de 5900 signaturas.
La Federacion dels Ensenhaires de Lenga e Cultura d’Òc (FÈLCO) es a l’origina d’aquela peticion que sos primièrs signataris son las associacions d’ensenhaires de las lengas minorizadas de l’estat francés.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 DE mon vejaire se chacalhar per saber s'èra pron o pas servís pas a ren de ren. Pr'aquò las bonas questions son de saber :
1- Cossi s'es pas mai mobilizat lo mond.
2- Cossi es recebut lo messatge Occitaniste
3- Cossi se far que podèm pas mai mobilizar
4- Cossi se far que los estatjants se sentisson pas mai responsable.
5- Globalament qu'un imatge balha l'occitanisme
6- Que far per far mai ausir la lenga nòstra
E i a de segur enquèra d'autres questions a se pausar de segur.
Escriure a un deputat sufís pas mai.
#7 E òc antalya, avetz ben razon de joslinhar que 300 es vertadièrament pas pro... çaquelà 300 personas se son mobilizadas, ne voliatz mai ? I calia anar e bravament acompanhat... Tot es dins lo biais de veire lo veire, mitat plen, mitat voide... Cresi que lo cal sustot veire coma es, a mitat, e se demandar cossi lo podriam emplenar mai, puslèu que de se carpinhar coma d'enfants e i perdre nòstra energia collectiva... Lo còp que ven, se avètz 10 mn a perdre en comentaris, escrivètz a vòstre deputat per que vòte en favor de la lenga nòstra al parlament, per la lei NOTRE, per la reforma dels collègis... o escrivètz una cançon per mobilizar la populacion occitana a defendre sa lenga, sa cultura e son pais... ;-)
#5 Òc, desencusatz me d’aver fach mon sabentàs o mon caustic mas coma l’a explicat fòrça plan lo Pirolet, “las Termopilas” es una referença a una batèsta de l’antiquitat (l’occitan es pas enemic del latin o del grèc) ont los 300 soldats de Leonidas, rei d’Esparta, fogueron maselats per retener las armadas del envasidor pèrsa Xèrxes en 480 av J-C. Zo sabi qu’ai vist lo film 300…
Ieu tanben, auriái aimat que foguèssem 3000, o perque pas 30000 a Peireguers, m’auriái agradat tanben de viure dins un estat ont seriái pas obligat de manifestar per mos drets elementaris…
#8 e ben ara l'auràs 'tendut ! vertadièrament 300 que manifestant sus una populacion de 30 000 i a pas de que se carar....
#6 Marcés ben, aviá pas jamai escotar aquò... ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari