Actualitats
Lo partit pròcurd HDP intra per lo primèr còp dins lo parlament turc
La formacion del president Erdoğan pèrd la majoritat absoluda en Turquia
Lo Partit de la Justícia e del Desvolopament (AKP, islamista moderat) a ganhat las eleccions parlamentàrias en Turquia, mas a perdut la majoritat absoluda qu’aviá dempuèi tres legislaturas. La formacion del president Recep Tayyip Erdoğan auriá obtengut lo 41,3% del vòtes, davant los socialdemocratas del Partit Republican del Pòble (CHP), amb lo 25,3%, e davant l’ultradrechista Partit d’Accion Nacionalista (MHP), amb lo 16,7%. Amb de resultats pas encara definitius, l’autra granda nòva de la jornada electorala turca seriá l’intrada per lo primièr còp dins lo parlament d’una formacion pròcurda e d’esquèrra, lo Partit de la Democracia dels Pòbles (HDP), qu’auriá superat lo lindal del 10% de vòtes impausat dempuèi 1982.
Amb una participacion del 86% dels 54 milions de votants, lo despartiment provisòri dels 550 sètis del parlament turc demorariá aital: AKP, 259; CHP, 131; MHP, 82, HDP, 78.
Se se confirman aqueles resultats, lo partit governamental recebriá un revirada après tretze ans de poder absolut. E mai, sens la majoritat absoluda al parlament, lo president Erdoğan poiriá pas modificar la constitucion, coma aviá anonciat, e poiriá pas cambiar l’actual regim parlamentari per ne far un de presidencialista, jos sa tutèla. Al delà, per governar, l’AKP deu negociar amb los partits qu’a atacat durament pendent la campanha electorala.
La votz dels curds e l’esquèrra alternativa, dins lo parlament
Ara qu’a despassat la dura barrièra del 10% dels vòtes, l’HDP, una coalicion d’esquèrra curda e turca aligada amb d’ecologistas, de feministas e de minoritats religiosas, intrarà dins lo futur parlament turc, es tota una novetat dins lo país ont es estat fins ara fòrça malaisit pels candidats curds d’i accedir. De fach, divendres passat, dins un miting final de campanha del partit HDP, una bomba tuèt quatre personas. Qualques unes dels ferits per l’atemptat, qu’encara se’n desconeis l’autor, son anats votar aqueste dimenge.
Amb una participacion del 86% dels 54 milions de votants, lo despartiment provisòri dels 550 sètis del parlament turc demorariá aital: AKP, 259; CHP, 131; MHP, 82, HDP, 78.
Se se confirman aqueles resultats, lo partit governamental recebriá un revirada après tretze ans de poder absolut. E mai, sens la majoritat absoluda al parlament, lo president Erdoğan poiriá pas modificar la constitucion, coma aviá anonciat, e poiriá pas cambiar l’actual regim parlamentari per ne far un de presidencialista, jos sa tutèla. Al delà, per governar, l’AKP deu negociar amb los partits qu’a atacat durament pendent la campanha electorala.
La votz dels curds e l’esquèrra alternativa, dins lo parlament
Ara qu’a despassat la dura barrièra del 10% dels vòtes, l’HDP, una coalicion d’esquèrra curda e turca aligada amb d’ecologistas, de feministas e de minoritats religiosas, intrarà dins lo futur parlament turc, es tota una novetat dins lo país ont es estat fins ara fòrça malaisit pels candidats curds d’i accedir. De fach, divendres passat, dins un miting final de campanha del partit HDP, una bomba tuèt quatre personas. Qualques unes dels ferits per l’atemptat, qu’encara se’n desconeis l’autor, son anats votar aqueste dimenge.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona nova que los Kurds hagen representacion al parlament Turc, esperem que l'impresentable Erdocan acabi de faire tantas maldats.
Parlats d'islam moderat .... pr'aquò Erdoğan o diguèc el meteis . Il a pas d'islam moerat ! "islam moderat" es una expression insultanta. nòstra religion , parlent d'el, es l'islam e tot l'islam.
Demest sa recomendacion "Tres mainatges per femnas", la femna a l'ostal a abalir los mainatges !
Amb aquèlas eleccions "Erdoğan" (la creatura falcon es çò que vòl diser lo son nom) es tombat, amai desempuèi plan temps lo ridèu es tombat.
Per lo HDP s'es d'emanança curda es subretot un partit social democrata e se troba que i a turcs qu'an votat per elis.
Los binari que semblaria expausat existis pas, las causas son plan complexas qu'aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari