Un adolescent de 18 ans se suicidèt dijòus passat als Sarrasins (Bas Carcin). Lo jove auriá pas suportat la pression d’“un cantatge a la webcam”. En tot dialogar sus Skype se seriá tuat de “paur qu’un vidèo intim ont el apareissiá foguèsse difusat sus Internet”, segon çò que rapòrta La Dépêche du Midi, que precisa que lo jove, escolan de terminala d’un licèu professional, seriá estat “pres de panica” quand “una dròlla” li reclamèt d’argent en menaçant de difusar lo vidèo mençonat.
 
Lo ministèri public de Montalban a dobèrt una enquèsta preliminara per indentificar l’autor d’aquel cantatge. Los enquestaires de la polícia judiciària de Tolosa ensajarián de retrobar la traça “d’un mèstre cantaire”. “Tot es possible”, çò dison, “estudiarem totas las pistas. L’enquèsta serà necessàriament longa”.