Actualitats
Lo Parlament Europèu a reportat al darrièr moment lo debat sul TTIP
L’Eurocambra deviá debatre ièr sus sa posicion tocant lo tractat transatlantic de liure escambi
Segon l’òrdre del jorn, lo plen del Parlament Europèu deviá far un debat e un vòte sul Partenariat Transatlantic de Comèrci e Investiment (TTIP) entre l’Union Europèa e los Estats Units, que cèrca de crear un granda Aira Transatlantica de Liure Escambi (TAFTA). Ça que la, lo president de la cambra, Martin Schulz, decidiguèt lo jorn d’abans de reportar lo vòte “perque i aviá mai de dos cents emendaments” e recorreguèt a una règla intèrna que permet de far aquò.
Lo grop dels populars, liberals e reformistas son favorables al TTIP, mas los Verds e l’esquèrra s’i opausan. Al mièg i a lo grop socialdemocrata, favorable a negociar lo tractat, mas opausat a un dels ponches mai conflictius, lo tribunal d’arbitratge. Vist aquela impossibilitat d’arribar a un acòrdi entre los europarlamentaris, se reportèt la votacion.
Justament, aquela nòva arribèt mentre que divèrses representants dels partits d’esquèrra e los Verds compareissián dins lo parlament per avalorar e far conéisser lor posicion sul TTIP, e se planhiá que l’afar se reportèsse pr’amor que los partisans del TTIP aurián paur de pèrdre lo vòte. Dins aquel sens, los eurodeputats dels grops de l’Esquèrra Plurala, dels Verds e de l’ALE planhon que i aja pas cap de mecanisme de contraròtle democratic dins l’Eurocambra.
Lo TTIP, qu’es aquò?
L’Union Europèa e los Estats Units vòlon arribar dempuèi longtemps a un acòrdi transatlantic per crear un grand espaci de liure escambi, e sembla qu’aqueste còp avançarà. Mas la question a levat de polemicas e d’oposicions: d’activistas e de formacions d’esquèrra del Mond entièr an lançat de campanhas contra lo dich TTIP. Mas qu’es aquò? Que se’n sap? Quals beneficis se’n vòl traire? I a de fondaments per creire que se retalharà de dreches professionals dels europèus, que se dobrirà la pòrta a la carn amb d’ormònas e que se privatizarà los servicis publics? La jornalista Bel Zaballa de Vilaweb publiquèt una analisi qu’ensaja de respondre a las dètz questions principalas. Aquel article lo publiquèrem tanben en occitan sus Jornalet.
Tocant los movements occitanistas, Libertat a una posicion clara contra aquel tractat.
Lo grop dels populars, liberals e reformistas son favorables al TTIP, mas los Verds e l’esquèrra s’i opausan. Al mièg i a lo grop socialdemocrata, favorable a negociar lo tractat, mas opausat a un dels ponches mai conflictius, lo tribunal d’arbitratge. Vist aquela impossibilitat d’arribar a un acòrdi entre los europarlamentaris, se reportèt la votacion.
Justament, aquela nòva arribèt mentre que divèrses representants dels partits d’esquèrra e los Verds compareissián dins lo parlament per avalorar e far conéisser lor posicion sul TTIP, e se planhiá que l’afar se reportèsse pr’amor que los partisans del TTIP aurián paur de pèrdre lo vòte. Dins aquel sens, los eurodeputats dels grops de l’Esquèrra Plurala, dels Verds e de l’ALE planhon que i aja pas cap de mecanisme de contraròtle democratic dins l’Eurocambra.
Lo TTIP, qu’es aquò?
L’Union Europèa e los Estats Units vòlon arribar dempuèi longtemps a un acòrdi transatlantic per crear un grand espaci de liure escambi, e sembla qu’aqueste còp avançarà. Mas la question a levat de polemicas e d’oposicions: d’activistas e de formacions d’esquèrra del Mond entièr an lançat de campanhas contra lo dich TTIP. Mas qu’es aquò? Que se’n sap? Quals beneficis se’n vòl traire? I a de fondaments per creire que se retalharà de dreches professionals dels europèus, que se dobrirà la pòrta a la carn amb d’ormònas e que se privatizarà los servicis publics? La jornalista Bel Zaballa de Vilaweb publiquèt una analisi qu’ensaja de respondre a las dètz questions principalas. Aquel article lo publiquèrem tanben en occitan sus Jornalet.
Tocant los movements occitanistas, Libertat a una posicion clara contra aquel tractat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 I aguèt los boys deChicago del costat ultraliberal, ara i a los chicos de Madrid, los universitaris de la facultat d'econòmicasde Madrid que se dison d'esquèrra mas que son primièr que tot espanholistas.
#4 Es lo cap del partit espanhòl d'esquèrra populista (Podemos).
Qui es pablo Iglesias de Podemos?
Pas estonant que lo monde volan pus 'nar votar, sentan que se fan rostir.
Urosadament, avem jornalet qu'essaia de menat un pauc de democracia en occitan.
#2 Normal, Madrid es sa preocupacion màger...
Manquèc dus vòts entà que debatèsse er ahèr. E Pablo Iglesias de Podemos non ère en Parlament e non votèc. Vergonha!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari