Actualitats
L’assemblada francesa a votat per suprimir las restriccions als gitanos
An aprovat la supression del libret de circulacion per las “gents del viatge” après una denóncia de l’ÒNU, que considerava qu’aquel requisit èra discriminatòri
Los gitanos nomadas de l’estat francés, e en general los que son nomenats eufemisticament “las gents del viatge”, quitaràn d’èsser de ciutadans de segond òrdre. L’assemblada estatala francesa a aprovat la supression del libret de circulacion, après una denóncia de l’ÒNU que considerava qu’aquel requisit èra discriminatòri.
Aperaquí 400 000 personas, de ciutadans franceses, vivon dins l’estat d’un biais ambulant. Aquelas “gents del viatge”, que son pas forçadament d’etnia gitana, fòrça d’elas son sedentàrias, mas se demòran pas dins son domicili mai de sièis meses apertenon a aquela estranha categoria administrativa discriminanta que los deputats an anullada. Dempuèi 1969 e fins ara, los gitanos e los autres grops de populacion ambulants èran obligats de circular amb aquel document, tanben obligatòri pels enfants. Los que l’avián pas devián pagar de multas.
La cambra francesa dels deputats ven de lor far la vida mai aisida gràcias als 35 vòtes favorables de la majoritat socialista, e malgrat los 24 vòtes contra dels diches Republicans e dels centristas.
S’aquela proposicion de lei despassa puèi un vòte favorable del Senat, aquel collectiu de personas seràn pas mai obligats d’aver aquel document que las comunas e la polícia contraròtlan per lors desplaçaments. E mai, la proposicion favorís que las comunas cediscan de terrens ont aquelas personas pòscan plaçar lors caravanas o camionetas.
Aperaquí 400 000 personas, de ciutadans franceses, vivon dins l’estat d’un biais ambulant. Aquelas “gents del viatge”, que son pas forçadament d’etnia gitana, fòrça d’elas son sedentàrias, mas se demòran pas dins son domicili mai de sièis meses apertenon a aquela estranha categoria administrativa discriminanta que los deputats an anullada. Dempuèi 1969 e fins ara, los gitanos e los autres grops de populacion ambulants èran obligats de circular amb aquel document, tanben obligatòri pels enfants. Los que l’avián pas devián pagar de multas.
La cambra francesa dels deputats ven de lor far la vida mai aisida gràcias als 35 vòtes favorables de la majoritat socialista, e malgrat los 24 vòtes contra dels diches Republicans e dels centristas.
S’aquela proposicion de lei despassa puèi un vòte favorable del Senat, aquel collectiu de personas seràn pas mai obligats d’aver aquel document que las comunas e la polícia contraròtlan per lors desplaçaments. E mai, la proposicion favorís que las comunas cediscan de terrens ont aquelas personas pòscan plaçar lors caravanas o camionetas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins le meime reportatge, i'voliá màs vos faire mostrar n'autra mena de dicriminacion que patissián, dusc'en 2012, los boèmians que se volián botar sobre las listas electoralas... Enquèra un còp, l'i a pas grand-chausa a dire! Engaitatz màs le boçinòt que ne'n traita: https://youtu.be/liOUgjvTEOI?t=2855
I aviá quicòm mai que l'monde einhorán subre aquè libret de circulacion... I a quauques temps, engaitave un reportatge subre la vida daus boèmians ente ausiguère quicòm que mas aurilhas cresion pas comprene! Dins aquè 'libreton' era un articlhe, franc discriminatòri, qu'atirèt mon atencion... L'articlhe nimerò 2 interdisiá que damora mai de tres dau cent de 'viatjaires' dins na comuna! Un còp mai, se pòt veire qu'aus z-uelhs d'aquela sembla-republica vargonhosa, aqueitas parsonas comptaván maleirosadament pas gaire... Me pense qu'ei la darreira comunautat tant discriminada... ieu, ameriá ben sabeir na chausa: se le libret eisistís pus, l'aplicán tortjorn queita reglha pudenta? ...m'eitonariá pas...
(aquí, podètz gaitar le momenton dau reportatge que ne'n parla: https://youtu.be/liOUgjvTEOI?t=2805)
Totas los gitanos avián pas de libreton de circulacion. Coneisse pas le sistème d'atribucion de las cartas... mas z-ai d'amics voiajaires d'una trentana d'annadas, que demòran dins de caravanas desempuei torjorn, que son pas sedentare e qu'an de cartas d'identitas desempuei lhor naissença... Pasmens lhors parents an de librets. Mas de tot biais, z-es incresible qu'una mesura tant desciminanta foguesse enquèra en aplicacion! Libertat, egalitat, fraternitat... qu'es aquò-quí? :-(
Mai mespresats que nautres. Demoram lo passatge al Senat, pr'aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari