Actualitats
La radiotelevision publica grèga torna emetre après dos ans
Las emissions comencèron dijòus a sièis oras del matin e, per ara, s’es reïncorporat 1500 trabalhadors dels 2600 que teniá
La cadena de television publica de Grècia, ERT, a tornat emetre dijòus de matin après demorar barrada pendent dos ans. Los canals de ràdio e television publics se barrèron l’11 de junh de 2013 coma partida de las mesuras d’austeritat per reduire la despensa publica e laissèron 2 600 trabalhadors sens emplec. Dempuèi dijòus las installacions se son redobèrtas amb la meteissa denominacion e un personal de 1 500 personas.
La redobertura de la television publica èra una de las principalas promessas de Syriza per las eleccions que ganhèt al mes de genièr. Segon lo govèrn d’Alexis Tsipras, la television publica entraïnarà pas una carga per l’estat, ja que se finançarà, coma ja se fasiá abans, amb una taxa de tres èuros mesadièrs dins la factura d’electricitat. Aquela taxa la pagaràn pas los qu’an los revenguts pus basses. Coma èra lo cas abans de barrar, ERT tendrà quatre canals de television, un d’internacional e dètz e nòu estacions de ràdio.
La primièra emission comencèt dijòus a sièis oras del matin ora locala. Comencèt amb l’imne de Grècia puèi s’emetèt un informatiu. Los presentaires diguèron que se tractava d’un “dia especial per totes los grècs, per los aimadors de Grècia e per los aimadors de la libertat d’informacion”.
Vaicí la primièra emission que faguèt ERT dins sa redobertura:
La redobertura de la television publica èra una de las principalas promessas de Syriza per las eleccions que ganhèt al mes de genièr. Segon lo govèrn d’Alexis Tsipras, la television publica entraïnarà pas una carga per l’estat, ja que se finançarà, coma ja se fasiá abans, amb una taxa de tres èuros mesadièrs dins la factura d’electricitat. Aquela taxa la pagaràn pas los qu’an los revenguts pus basses. Coma èra lo cas abans de barrar, ERT tendrà quatre canals de television, un d’internacional e dètz e nòu estacions de ràdio.
La primièra emission comencèt dijòus a sièis oras del matin ora locala. Comencèt amb l’imne de Grècia puèi s’emetèt un informatiu. Los presentaires diguèron que se tractava d’un “dia especial per totes los grècs, per los aimadors de Grècia e per los aimadors de la libertat d’informacion”.
Vaicí la primièra emission que faguèt ERT dins sa redobertura:
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Afortunadament els grecs han votat libertat, ara caldrà sortir de l'euro e posar una altra vegada sa moneda nacionala, e baixar-la e pujar-la segons las necessitats estatalas de sa economia. En principi sortir pas de l'Union Europea, mas se han de milhorar l'estat del benestar, aliar-se amb Russia e los paises de religió e cultura ortodoxa e amb la Xina.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari