Actualitats
Besièrs: destruiràn l’ostal ont viviá l’Arlatenca
Dins aquel ostal visquèt la nòvia del nebot de Frederic Mistral, qu’inspirèt a Anfós Daudet lo personatge de l’Arlatenca. La demolicion es prevista per setembre
L’Ostal Caufapè, plaçat al numèro 37 de las Alèas Pau Riquet, a l’angle de la Carrièra Boieldieu, serà destruch, segon çò que rapòrta Midi Libre.
Los gestionaris dels rets de gas e d’electricitat an començat a preparar lo terren en desgatjant los comptadors. La demolicion es prevista per setembre.
En decembre passat, Midi Libre publicava un article sus l’istòria de l’edifici. Aquí viviá Maria Caufapè, la nòvia del nebot de Frederic Mistral. Lo nebot se suicidèt en sautant per la fenèstra après la traïson de sa nòvia. Mistral contèt aquela istòria a Anfós Daudet, qu’escriguèt l’Arlatenca [l’Arlésienne] e qu’inspirèt la celèbra opèra de Bizet.
Los gestionaris dels rets de gas e d’electricitat an començat a preparar lo terren en desgatjant los comptadors. La demolicion es prevista per setembre.
En decembre passat, Midi Libre publicava un article sus l’istòria de l’edifici. Aquí viviá Maria Caufapè, la nòvia del nebot de Frederic Mistral. Lo nebot se suicidèt en sautant per la fenèstra après la traïson de sa nòvia. Mistral contèt aquela istòria a Anfós Daudet, qu’escriguèt l’Arlatenca [l’Arlésienne] e qu’inspirèt la celèbra opèra de Bizet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aprèp aquel escambi sus Fonse e Amfós vos'n prepausi un autre sus Robert Ménard conse de Besièrs, qu'a una carrièra dins una ONG, e lo Pierre Ménard "homme de lettres" coma ditz la placa blava, qu'a una carrièra a Nimes.
#7 Anfós es un mot de formacion populara e es la sola forma occitana tradicionala. 'Fonse es una introduccion recenta e es un francisme sens interès. Anfós Daudet se fasiá apelar "Anfós" per Mistral.
"Anfós" es segur la forma sabenta e arcaïca que se ditz pus en degun luec o gaireben e 'Fonse la forma populara, francizada probable (enguera que per chas nos en nòrd-occitan siá pas segur), tot coma Esteve vs E(s)tiene/'Tiene/'Tienon etc.
Chas ieu l'monde dison le Fonse mas quò-es suradament un sobrenom, belheu francisat, o quauqua-ren coma quò... ;-)
#4 Daudet, dau det... quin det? lo pichòt, lo guinhaire o lo màger?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari