Actualitats
Las negociacions amb Grècia s’encalan mentre que rèsta pas pus de temps
Lo govèrn grèc refusa d’acceptar de nòvas pojadas d’impòstes e de retalhadas
Lo relòtge jòga ja contra lo temps en las negociacions del nòu paquet d’ajudas a Grècia. Dimenge de ser los negociaires grècs e los de la tròica clavèron, sens cap d’acòrdi, la sèria de negociacions que s’èran dobèrtas la dimenjada. Ara lo temps cor contra lo govèrn grèc. Dijòus tornaràn negociar mas amb lo temps ja tròp just per un acòrdi que deuriá evitar la quincanèla prevista pel 30 de junh.
Lo 30 de junh s’acaba l’actual plan de salvament de Grècia e l’estat grèc deu pagar 1,5 miliard d’èuros a l’FMI. Se i a pas cap d’acòrdi abans, l’Union Europèa daissarà de pagar l’argent promés a Grècia, en dobrissent una situacion de quincanèla tecnica de l’estat. Lo problèma principal es que lo nòu paquet d’ajudas cal que siá aprovat pels parlaments, e non los govèrns, de divèrses estats europèus, compresa Alemanha, e aquò d’aquí, ara que rèstan nonmàs doas setmanas, bota lo calendièr al limit.
En las negociacions d’aquesta dimenjada las doas còlas de negociairas arribèron pas a cap d’acòrdi per reduire los 2 miliards d’èuros que la tròica considèra que los cal ajustar encara. Lo govèrn grèc diguèt qu’acceptariá pas, de cap de manièra, de nòvas pojadas d’impòstes ni de retalhadas.
Lo 30 de junh s’acaba l’actual plan de salvament de Grècia e l’estat grèc deu pagar 1,5 miliard d’èuros a l’FMI. Se i a pas cap d’acòrdi abans, l’Union Europèa daissarà de pagar l’argent promés a Grècia, en dobrissent una situacion de quincanèla tecnica de l’estat. Lo problèma principal es que lo nòu paquet d’ajudas cal que siá aprovat pels parlaments, e non los govèrns, de divèrses estats europèus, compresa Alemanha, e aquò d’aquí, ara que rèstan nonmàs doas setmanas, bota lo calendièr al limit.
En las negociacions d’aquesta dimenjada las doas còlas de negociairas arribèron pas a cap d’acòrdi per reduire los 2 miliards d’èuros que la tròica considèra que los cal ajustar encara. Lo govèrn grèc diguèt qu’acceptariá pas, de cap de manièra, de nòvas pojadas d’impòstes ni de retalhadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1er sortida de l'euro, 2º Aliansa amb los mercats prorussia. 3er aliança militar amb los países prorussos e pro Xina.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari