Actualitats
Tolosa mostrarà l’occitan al Mond dins l’Èuro 2016
La Ciutat Mondina aculhirà 4 partidas de fotbòl, ont distribuirà la guida del suportaire tanben en occitan. La lenga del país “s’installarà un pauc pertot dins Tolosa”
L’occitan serà una lenga presenta e fòrça vesedoira dins Tolosa en escasença del Campionat d’Euròpa de Fotbòl (Èuro 2016). L’eveniment esportiu europèu que l’estat francés l’aculhirà a previstes quatre matches dins la Ciutat Mondina los 13, 17, 20 e 26 de junh, e la comuna crei qu’es l’escasença de mostrar l’occitan al Mond.
La guida del suportaire serà dins qualques lengas europèas dont tanben la lenga del país, gràcias a Convergéncia Occitana. “L’enjòc es d’installar l’occitan un pauc pertot dins Tolosa, pas per remplaçar lo francés, mas per marcar l’identitat territoriala e donar un testimoniatge de la nòstra cultura a las gents que venon d’endacòm mai”, çò ditz Jean-Michel Lattes, primièr adjonch al cònsol en carga dels desplaçaments e de la cultura occitana, segon çò qu’a publicat 20 Minutes.
A l’ora d’ara l’occitan es pas la lenga de comunicacion abituala dels abitants de la Vila Ròsa, coma o èra fa qualques decennis, mas es de mai en mai present e aimat. “Ongan, lo festenal Rio Loco va presentar una tematica occitana e i aurà un mond fòl”, e mai “fòrça estrangièrs demandan de far la vesita dins aquela lenga”, çò precisa Lattes.
Cal esperar, e benlèu demandar, que l’exemple tolosan farà taca d’òli dins las autras vilas d’Occitània qu’aculhiràn l’Èuro 2016, es a dire: Bordèu, Marselha e Niça.
La guida del suportaire serà dins qualques lengas europèas dont tanben la lenga del país, gràcias a Convergéncia Occitana. “L’enjòc es d’installar l’occitan un pauc pertot dins Tolosa, pas per remplaçar lo francés, mas per marcar l’identitat territoriala e donar un testimoniatge de la nòstra cultura a las gents que venon d’endacòm mai”, çò ditz Jean-Michel Lattes, primièr adjonch al cònsol en carga dels desplaçaments e de la cultura occitana, segon çò qu’a publicat 20 Minutes.
A l’ora d’ara l’occitan es pas la lenga de comunicacion abituala dels abitants de la Vila Ròsa, coma o èra fa qualques decennis, mas es de mai en mai present e aimat. “Ongan, lo festenal Rio Loco va presentar una tematica occitana e i aurà un mond fòl”, e mai “fòrça estrangièrs demandan de far la vesita dins aquela lenga”, çò precisa Lattes.
Cal esperar, e benlèu demandar, que l’exemple tolosan farà taca d’òli dins las autras vilas d’Occitània qu’aculhiràn l’Èuro 2016, es a dire: Bordèu, Marselha e Niça.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Montpelhièr a pas de partida, pecaire! Aquò rai, a Monpelhièr, "les gens sont intelligents, son "Sud de France"! Anglés, francés e m'as colhonat quand t'ai vist!
#8 E vertat que lo costat esquerra de tolosa s'es pas jamai parlat amb l'autre costat, de me damandi cossi an pogut bastir de ponts que sevrissian pas a res.
Ara Tolosa parla francés lo problèma es reglat !
Santa Estèla, desliuratz-nos dels tròlls occitanicidis !
a tolosa que's parlava lo mondin lengadocian e tamben un mondin gascon deu costat esquer dens lo quartier de Sant Çubran. L'occitan? Ua maishanta limonada!!
Tolosa qu'ensenhara eth occitan mès pas eth Gascon adixatz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari