Actualitats
Sensibilitat entre los ciutadans franceses per la diversitat lingüistica
Lo 72% dels ciutadans franceses se dison favorables a la reconeissença oficiala de las lengas autoctònas
Un 72% dels ciutadans franceses se dison favorables a la reconeissença oficiala de las lengas minorizadas o nacionalas de l’estat, dichas “lengas regionalas”, segon un sondatge que publiquèt Ouest France dissabte passat. Ça que la, lo sondatge se faguèt en linha segon lo metòde de las quòtas a partir d’una mòstra de 1004 personas, del 10 al 12 de junh.
E mai se la subrevivença e la promocion de totas las lengas e culturas es un drech que se deu respectar totjorn, delà las opinions e delà los sondatges, sembla que dins l’opinion publica francesa arribe una sensibilitat vèrs lo respècte de la diversitat, coma o remarca ben Aquò d’Aquí.
Dins aquel sens, lo capredactor del jornal provençal, Miquèu Neumuller, rapòrta una enquèsta sul meteis subjècte qu’es a far France TV e nos i convida a participar.
E mai se la subrevivença e la promocion de totas las lengas e culturas es un drech que se deu respectar totjorn, delà las opinions e delà los sondatges, sembla que dins l’opinion publica francesa arribe una sensibilitat vèrs lo respècte de la diversitat, coma o remarca ben Aquò d’Aquí.
Dins aquel sens, lo capredactor del jornal provençal, Miquèu Neumuller, rapòrta una enquèsta sul meteis subjècte qu’es a far France TV e nos i convida a participar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas novèu : lo premier sondatge sus la question remonta a 1979 (la revista clericala Le Pèlerin), e donava jà las meteissas chifras. Naturalament, lo mond que dison que fau manténer las lengas regionalas pensan qu'es als autres d'o far. Mas globalament, vol dire que per la màger part dau mond, las lengas regionalas son pus un problèma. Entre los que son vertadierament per- que las parlen o pas, los que se sovenon que lo papet parlava '"patois" e qu'èra simpà, los que fondamentamant se'n foton, mas pensan que se quauqu'un se vol interessar a aquo, qu'o face, pron que demande pas a tot lo mond d'o far, aquo fai una majoritat benvolenta. Los opausaires son doncas minoritaris : entre aquelos qu'an parlat e que se perdonan pas d'aguer parlat e los nacionalistas franceses de drecha, d'extrema-drecha o que se creion de gaucha, coma Melenchon o Riss de Charlie Hebo (que s'apercebe visiblament pas que son dessenh es una marca magnifica de mesprètz de classa) fai pas grand monde. Mas elos son d'obsessionaus que se sabon far auvir, vaqui la diferença..
E le Melenchon que se dit la voetz dau pòple... Crese que deuriá gaitar un pauc melhs aquèu sondatge!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari