Actualitats
Una setmana d’accion dels ensenhaires d’occitan de Roergue
Demandan que l’ensenhament de l’occitan siá pas sacrificat sus l’autar d’una reforma de mai engatjada dins l’Educacion Nacionala francesa
Los ensenhaires d’occitan de Roergue se son fòrtament mobilizats per demandar que l’ensenhament de l’occitan siá pas sacrificat sus l’autar d’una reforma de mai engatjada dins l’Educacion Nacionala francesa. D’efièch, la novèla reforma del collègi, dins sa version primièra, sembla d’oblidar quasi completament l’ensenhament de las lengas dichas regionalas del territòri francés. De qué inquietar bravament essent donat que l’accès a l’ensenhament de l’occitan dins los collègis es plan espandit en Roergue e tòca de collegians nombroses...
Recampats en amassada generala lo 3 de junh passat, los membres del Centre Regional de l’Ensenhament de l’Occitan de Roergue (CRÈO 12) decidiguèron donc de passar a l’ofensiva per far ausir lor votz al prèp dels mèdias locals e de la populacion. Aital, tornèron prene l’eslogan “Pro d’èsser mespresats!” que venián ja d’utilizar en participant al rassemblament de Rodés en sosten a Dàvid Grosclaude.
Participèron en nombre a la manifestacion organizada per mai d’un sindicat d’ensenhaires del segondari l’11 de junh dins la ciutat rodanesa.
Una setmana aprèp, veniá al centre vila d’èsser empegat de mai d’un quilomètre de riban adesiu portant lo messatge “Pro d’èsser mespresats! - Assez du mépris - Oui à l’enseignement de l’occitan!”, accion fòrta seguida lo 17 de junh d’una entrevista de trabalh amb lo DASEN (director academic dels servicis de l’educacion nacionala) e d’una conferéncia de premsa que recampèt 27 militants davant los principals mèdias roergasses.
En tot son mai de 35 militants e simpatizants del CRÈO 12 que se son mobilizats per menar aquesta seguida d’accions. Es una reüssida al moment ont de cambiaments son a s’apondre al tèxte primièr de la reforma jos l’influéncia de totas las mobilizacions, vesedoiras o mai discretas, en tot cas complementàrias del mitan ensenhaire occitan.
Olivièr Dalhut
Recampats en amassada generala lo 3 de junh passat, los membres del Centre Regional de l’Ensenhament de l’Occitan de Roergue (CRÈO 12) decidiguèron donc de passar a l’ofensiva per far ausir lor votz al prèp dels mèdias locals e de la populacion. Aital, tornèron prene l’eslogan “Pro d’èsser mespresats!” que venián ja d’utilizar en participant al rassemblament de Rodés en sosten a Dàvid Grosclaude.
Participèron en nombre a la manifestacion organizada per mai d’un sindicat d’ensenhaires del segondari l’11 de junh dins la ciutat rodanesa.
Una setmana aprèp, veniá al centre vila d’èsser empegat de mai d’un quilomètre de riban adesiu portant lo messatge “Pro d’èsser mespresats! - Assez du mépris - Oui à l’enseignement de l’occitan!”, accion fòrta seguida lo 17 de junh d’una entrevista de trabalh amb lo DASEN (director academic dels servicis de l’educacion nacionala) e d’una conferéncia de premsa que recampèt 27 militants davant los principals mèdias roergasses.
En tot son mai de 35 militants e simpatizants del CRÈO 12 que se son mobilizats per menar aquesta seguida d’accions. Es una reüssida al moment ont de cambiaments son a s’apondre al tèxte primièr de la reforma jos l’influéncia de totas las mobilizacions, vesedoiras o mai discretas, en tot cas complementàrias del mitan ensenhaire occitan.
Olivièr Dalhut
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Osca per aquesto movement. Sola paga la mobilizacion concreta, suu terrenh.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari