Actualitats
Bascoat: cinc grands rassemblaments per poder votar sus l’avenir del país
Aqueles acamps an clavat una campanha ont s’es cosut de teissuts per l’unitat del Bascoat e pel drech de poder votar sus l’independéncia
Après lo succès de la cadena umana d’arunan apelada Gure Esku Dago (Es en Nòstras Mans), an organizat una nòva campanha al Bascoat, nomenada Ehuntzen (Tescut) que culminèt ièr amb cinc grands rassemblaments.
Pendent qualques meses las gents an cosut de teissuts dins de vilas e vilatges coma simbòls del besonh de “cóser lo país”. Amb aqueles teissuts se creèt ièr cinc grandas urnas de tela dins de luòcs emblematics de quatre ciutats capitalas del país; e tanben a Baiona (Baish Ador): l’Estadi de San Mames a Bilbao, l’Estadi d’Anoeta a Sant Sebastian, las arenas de Pampalona, per carrièras a Vitòria e dins l’estadi de rugbi de Baiona. De desenats de milièrs de personas participèron a las mobilizacions.
La plataforma Gure Esku Dago trabalha dempuèi d’ans per portar lo drech de decidir al centre de la vida politica basca e foguèt ela qu’impulsèt la cadena umana que traversèt una granda partida del Bascoat fa qualques meses. Lo projècte Jostunak (Sartres) nasquèt amb la volontat de valorizar los ponches comuns dels partisans de l’independéncia e lo besonh de collaborar entre eles.
Pendent qualques meses las gents an cosut de teissuts dins de vilas e vilatges coma simbòls del besonh de “cóser lo país”. Amb aqueles teissuts se creèt ièr cinc grandas urnas de tela dins de luòcs emblematics de quatre ciutats capitalas del país; e tanben a Baiona (Baish Ador): l’Estadi de San Mames a Bilbao, l’Estadi d’Anoeta a Sant Sebastian, las arenas de Pampalona, per carrièras a Vitòria e dins l’estadi de rugbi de Baiona. De desenats de milièrs de personas participèron a las mobilizacions.
La plataforma Gure Esku Dago trabalha dempuèi d’ans per portar lo drech de decidir al centre de la vida politica basca e foguèt ela qu’impulsèt la cadena umana que traversèt una granda partida del Bascoat fa qualques meses. Lo projècte Jostunak (Sartres) nasquèt amb la volontat de valorizar los ponches comuns dels partisans de l’independéncia e lo besonh de collaborar entre eles.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari