Actualitats
Los Estats Units an espionat Chirac, Sarkozy e Hollande
Wikileaks a mandat de documents secrets a Libération e a Mediapart que mòstran l’espionatge telefonic dels tres presidents franceses, de lors ministres e de lors nauts encargats
L’Agéncia Nacionala de Seguretat (NSA), un organisme estatsunidenc, a espionat los tres darrièrs presidents franceses, François Hollande, Nicolas Sarkozy e Jacques Chirac, segon çò que revèla la documentacion secreta que Wikileaks a liurat a Libération e Mediapart. Segon aqueles documents, l’NSA espionèt de desenats de milièrs de convèrsas telefonicas, non solament dels tres caps d’estat, mas tanben de fòrça ministres e nauts encargats.
Segon Libération, los documents publicats son solament una partida de l’espionatge per l’NSA dels dirigents franceses; un espionatge que se seriá debanat entre 2006 e 2012.
Dins aqueles documents se recuèlh de reünions secretas de la fin de 2011 sus la possibla sortida de Grècia de la Zòna Èuro; tanben se revèla una convèrsa de l’ancian primièr ministre Jean-Marc Ayrault mostrant son chepic perque Angela Merkel sabiá qu’Hollande s’èra reünit amb l’oposicion socialdemocrata alemanda.
En seguida de l’escandal, lo president François Hollande convoquèt ièr de matin una reünion d’urgéncia del Conselh francés de la Defensa. A la fin de la reünion, lo pòrtavotz del govèrn francés, Stéphane Le Foll, anoncièt que França mandariá als Estats Units lo coordenaire dels servicis secrets, Didier Le Bret, per tractar l’afar. E mai, lo ministre dels afars exteriors, Laurent Fabius, convoquèt per consultacions l’ambaissadora dels Estats Units, Jane D. Hartley, per fin li ne demandar d’explicacions.
Lo president Hollande a dich dins un comunicat que l’espionatge es “inacceptable” e que “França tolerarà pas d’accions que meton en question sa seguretat e la proteccion de sos interèsses”. Pereu Hollande ramenta qu’a la fin de 2013 los Estats Units s’engatgèron a espionar pas lors aliats. D’engatjaments que “cal remembrar e respectar escrictament”, çò a soslinhat.
De son costat, l’Ostal Blanc a assegurat qu’a l’ora d’ara espiona pas lo president Hollande e qu’o farà pas dins l’avenir. Lo pòrtavotz estatsunidenc desmentiguèt pas los espionatges mas soslinhèt que França es un sòci indispensable dels Estats Units.
Segon Libération, los documents publicats son solament una partida de l’espionatge per l’NSA dels dirigents franceses; un espionatge que se seriá debanat entre 2006 e 2012.
Dins aqueles documents se recuèlh de reünions secretas de la fin de 2011 sus la possibla sortida de Grècia de la Zòna Èuro; tanben se revèla una convèrsa de l’ancian primièr ministre Jean-Marc Ayrault mostrant son chepic perque Angela Merkel sabiá qu’Hollande s’èra reünit amb l’oposicion socialdemocrata alemanda.
En seguida de l’escandal, lo president François Hollande convoquèt ièr de matin una reünion d’urgéncia del Conselh francés de la Defensa. A la fin de la reünion, lo pòrtavotz del govèrn francés, Stéphane Le Foll, anoncièt que França mandariá als Estats Units lo coordenaire dels servicis secrets, Didier Le Bret, per tractar l’afar. E mai, lo ministre dels afars exteriors, Laurent Fabius, convoquèt per consultacions l’ambaissadora dels Estats Units, Jane D. Hartley, per fin li ne demandar d’explicacions.
Lo president Hollande a dich dins un comunicat que l’espionatge es “inacceptable” e que “França tolerarà pas d’accions que meton en question sa seguretat e la proteccion de sos interèsses”. Pereu Hollande ramenta qu’a la fin de 2013 los Estats Units s’engatgèron a espionar pas lors aliats. D’engatjaments que “cal remembrar e respectar escrictament”, çò a soslinhat.
De son costat, l’Ostal Blanc a assegurat qu’a l’ora d’ara espiona pas lo president Hollande e qu’o farà pas dins l’avenir. Lo pòrtavotz estatsunidenc desmentiguèt pas los espionatges mas soslinhèt que França es un sòci indispensable dels Estats Units.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb las leis liberticidas d'espionatge de la populacion qu'an fargat aqueles autocratas auràn pas la mendre simpatia mieuna al motiu que n'i a que los an escotat dire lors messorgas quotidianas.
Plan fait per lors morres!
E França que se planhiá d'una manca d'escota de part dau govèrn estatsunidenc...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari