Actualitats
Lo ministre e lo viceministre de la defensa sirians mòrts en un atemptat a Damasc
Un atemptat contra lo sèti de la Seguretat Nacionala a Damasc a causat la mòrt del ministre de la defensa sirian, lo general Daud Abdellah Rayiha. Dins l’atac son mòrts tanben divèrses nauts responsables de seguretat sirians, dont lo viceministre de la defensa e cap de l’espionatge, Assef Shawkat, qu’es lo conhat del president Al Asad.
Divèrsas personas son estadas feridas, demest las qualas i a lo ministre de l’interior. La bastissa del centre de Damasc, e mai s’èra fòrça protegida, aculhissiá una reünion de ministres e responsables policièrs.
Los diches rebèls sirians an revendicat l’atac, que lo govèrn sirian qualifica “d’explosion terrorista suicidària”. Segon çò qu’a explicat un pòrtavotz dels diches rebèls, l’atemptat s’es fach amb la collaboracion dels escortaires de qualques unes dels responsables politics que i aviá dins la bastissa. Sembla que l’atemptat, es un gardacòrs del president Al Asad que l’a menat a tèrme.
Qualques versions asseguran que los rebèls an empoisonat lo mond que s’èran amassats e que l’ambulància que i es anada per los sonhar èra cargada d’explosius. D’autras parlan d’un suicidari qu’a fach espetar una cencha d’explosius.
A la començança, los rebèls avián negat la lor participacion a l’atemptat; o an fach, çò dison, perque en aquel moment, encara i aviá d’unes de lors “combatents” dins la bastissa.
Lo govèrn sirian ditz que l’atac es òbra de “mercenaris que trabalhan per l’estrangièr”, e que perseguirà los responsables de l’atemptat per “netejar la pàtria de la marridetat”.
Los diches rebèls sirians an revendicat l’atac, que lo govèrn sirian qualifica “d’explosion terrorista suicidària”. Segon çò qu’a explicat un pòrtavotz dels diches rebèls, l’atemptat s’es fach amb la collaboracion dels escortaires de qualques unes dels responsables politics que i aviá dins la bastissa. Sembla que l’atemptat, es un gardacòrs del president Al Asad que l’a menat a tèrme.
Qualques versions asseguran que los rebèls an empoisonat lo mond que s’èran amassats e que l’ambulància que i es anada per los sonhar èra cargada d’explosius. D’autras parlan d’un suicidari qu’a fach espetar una cencha d’explosius.
A la començança, los rebèls avián negat la lor participacion a l’atemptat; o an fach, çò dison, perque en aquel moment, encara i aviá d’unes de lors “combatents” dins la bastissa.
Lo govèrn sirian ditz que l’atac es òbra de “mercenaris que trabalhan per l’estrangièr”, e que perseguirà los responsables de l’atemptat per “netejar la pàtria de la marridetat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari