Es dies 29-30 de junh e 1-2 de junhsèga era Escòla des Tecnicians Esportius dera Val d’Aran (Aubèrja era Garona de Salardú) acuelherà eth cors dera Universitat Rovira i Virgili: Reconeishença des valors patrimoniaus dera Val d’Aran. Era Val d’Aran trebalhe en diferents èishi, e un des grani objectius ei era maximala catalogacion coma Patrimòni dera Umanitat.

Pendent es dies 29-30 de junh e 1-2 de junhsèga era Val d’Aran acuelherà eth cors qu’era Universitat Rovira Virgili impartirà: Reconeishença des valors patrimoniaus dera Val d’Aran.
 
Er objectiu deth cors ei eth desvolopament des instruments e capacitats entar estudi multidisciplinari deth patrimòni en generau. A coma prioritat era reconeishença deth patrimòni dera Val d’Aran, enes versants deth patrimòni immateriau, naturau, immòble e mòble.
 
S’especializarà damb es procediments entara reconeishença e contengut des bastisses istoriques.
 
S’adrece aitant as estudiants coma as professionaus que volguen agranir o aprigondir eras competéncies enes encastres des coneishences deth patrimòni, provenenti de disciplines coma l’arquitectura, l’engenharia des bastiments, l’arqueologia, la topografia, l’istòria e l’istòria der art.
 
En paraules deth sindic d’Aran, Carlos Barrera, “es linhes deth Govèrn son trabalhar entà arténher eth maxim de reconeishença e catalogacion deth nòste patrimòni ara fin de poder obtier era catalogacion de patrimòni dera umanitat. En aguesta idèa eth Conselh Generau d’Aran damb era Escòla Superiora dera Universitat Rovira e Virgili trabalhen ena confeccion de projèctes arquitectonics damb era reconeishença de patologies e solucions sus era totalitat des glèises e capèles deth nòste territòri”.
 
Mès informacion e inscripcions:
   
Eth prètz dera matricula ei de 15 èuros.
 
 
 
 
Conselh Generau d’Aran