L’atemptat que se debanèt ièr a la vila toristica de Sossa, en Tunisia, daissèt almens trenta sèt personas mòrtas, dins un primièr bilanç. L’atac se debanèt a la plaja de doas ostalariás, l’Imperial Marhaba e lo Soviva, las doas plaçadas al pòrt d’Al Kantawi. Segon çò que rapòrtan los mèdias locals, que citan lo Ministèri tunisian de l’Interior, un òme armat amb un Kalashnikov fusilhèt los toristas a la plaja d’un dels establiments, mentre qu’un autre atacant faguèt la meteissa causa a l’autra plaja.
 
Segon las autoritats, un dels dos atacants foguèt abatut mentre qu’èra perseguit, e lo segond atacant es arrestat.
 
Fa pas que tres meses, i aguèt un autre masèl al al Musèu de Bardaw, a Tunis, amb un vintenat de mòrts.