La Cort Suprèma dels Estats Units legalizèt divendres lo maridatge entre omosexuals dins tot lo país, en declarant inconstitucionalas las leis que l’enebisson dins certans estats. La senténcia ditz que los estats an l’obligacion de concedir de licéncias de maridatge als parelhs del meteis sèxe, amb l’empara del catorzen emendament de la Constitucion estatsunidenca, que garentís l’egalitat de totes los ciutadans davant la lei.
 
La decision de la Cort Suprèma comptèt amb lo vòte decisiu del jutge Anthony Kennedy. Los jutges se prononcièron sus quatre cases presentats per dotze parelhs e aquò los obligava de respondre a doas questions: