Actualitats
Charles Pasqua es mòrt dins sos 88 ans
S’engatgèt dins la drecha francesa e tenguèt un ròtle important dins la vida politica de l’estat
Ièr diluns moriguèt Charles Pasqua, un politician provençal que comencèt coma vendeire de Ricard, que s’engatgèt dins la drecha francesa e que tenguèt un ròtle important dins la vida politica de l’estat francés. Pasqua se n’anèt en seguida d’un accident cardiac a l’edat d’88 ans, segon çò que publica Le Point, que cita un comunicat de la familha.
Nasquèt lo 18 d’abril de 1927 a Grassa. Gaullista convencut, s’engatgèt dins sos 16 ans dins la resisténcia contra l’ocupacion nazi e aderiguèt a l’RPF (Rassemblament del Pòble Francés). Aviá fach carrièra dins la societat Pernod-Ricard. En 1960, cofondèt lo Servici d'Accion Civica, milícia gaullista implicada dins d'activitats violentas e illegalas. Foguèt ministre de l'Interior de 1986 a 1988 e de 1993 a 1995. Installat dins lo departament parisenc dels Nauts de Sèina de 1968 enlà, i exerciguèt de responsabilitats importantas coma deputat (1968-1973), president del conselh general (1988-2004), e mai d'un còp senator, fins en 2011. Eurosceptic, foguèt tanben deputat europèu de 1999 a 2004.
Èra considerat lo pairin politic dels èx-presidents Jacques Chirac e Nicolas Sarkozy, e mai foguèt un òme d’influéncia dins la classa politica francesa dels ans 1980 e 1990, abans de tombar en desgràcia a causa de las acusacions de corrupcion.
En 2010 foguèt condemnat a 18 meses de preson amb sosta pel finançament illegal de la campanha de las eleccions europèas de 1999, e a un an per desviament de fonzes d’una entrepresa d’exportacion de material de seguretat.
Son accion de govèrn se pòt resumir amb doas frasas sieunas: “Cau terrorizar lei terroristas” e “La democracia s’acaba ont comença l’interès de l’estat”.
Nasquèt lo 18 d’abril de 1927 a Grassa. Gaullista convencut, s’engatgèt dins sos 16 ans dins la resisténcia contra l’ocupacion nazi e aderiguèt a l’RPF (Rassemblament del Pòble Francés). Aviá fach carrièra dins la societat Pernod-Ricard. En 1960, cofondèt lo Servici d'Accion Civica, milícia gaullista implicada dins d'activitats violentas e illegalas. Foguèt ministre de l'Interior de 1986 a 1988 e de 1993 a 1995. Installat dins lo departament parisenc dels Nauts de Sèina de 1968 enlà, i exerciguèt de responsabilitats importantas coma deputat (1968-1973), president del conselh general (1988-2004), e mai d'un còp senator, fins en 2011. Eurosceptic, foguèt tanben deputat europèu de 1999 a 2004.
Èra considerat lo pairin politic dels èx-presidents Jacques Chirac e Nicolas Sarkozy, e mai foguèt un òme d’influéncia dins la classa politica francesa dels ans 1980 e 1990, abans de tombar en desgràcia a causa de las acusacions de corrupcion.
En 2010 foguèt condemnat a 18 meses de preson amb sosta pel finançament illegal de la campanha de las eleccions europèas de 1999, e a un an per desviament de fonzes d’una entrepresa d’exportacion de material de seguretat.
Son accion de govèrn se pòt resumir amb doas frasas sieunas: “Cau terrorizar lei terroristas” e “La democracia s’acaba ont comença l’interès de l’estat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Charles Pasqua, "un republican qu'aviá pas paur", segon Jean-Luc Mélenchon...
Ai agut auvit dos testimonis de mond qu'avian conoissut Pasqua quand èra escolan a Grassa : JP Mocky, sus France Inter, e Joan-Maria Auzias, un occitanista istoric, dins de conversas que devon aguer agut d'autres testimonis que ieu. Era a plorar de rire, mas èra pas vertadierament l'elogi dau personnage. Resistent a 15 ans ? Ma fe... JM Le Pen tanben ditz volontiers qu'es estat resistent a pauc pres a aquel atge. Segur que los maquisards se recrutavan a la nursery. De que costa, vai te'n verifiar. Aqueu personatge tirassava de cassolas particularament lordas, e sio persuadat que n'i avia d'autras que sabèm pas, de ben esconduas qu'èran. Ai començat d'auvir parlar dau personatge, en region parisenca, a la fin de las annaas seissanta, e èra pas per ne far l'elogi, funebre o pas. E eissublio pas Malik Oussekine. Tant vau dire que question respiech als morts, prefero d'autres morts.
Lor prumièrs en se precipitar per far lo panegiric d'aqual arpalhand foguèron los mai poirits de la republica: Balkany e Cia. Estonant, non?
Aquela mena de maufatants, cal esperar que se morigan per se'n desfar. Lo daissèrem far una carrièra complèta en luòc de lo botar defòra tre lo SAC: una vergonha.
#7 Respectarai pas la mòrt d'aquel tipe. Non pas !
E mai auriái pagat per lo manténer en vida per lo butar en preson.
Resisténcia o pas, aquel tipa aviá pas vergonha de tirar totas las còrdas possiblas per evitar de pagar per sos crimis (coma comandar a la polícia de tirar suls canacs etc), e la vidèo ligada amb aqueste article nos mostra plan qu'èra prèst al chantatge public per se salvar las pelhas. Aquò's pas far "d'erroras", es èsser un parasite, una menaça, un engana-drac.
Calriá organizar l'extradicion de sa tomba.
#6 En çò meu s'apren lo respect al mòrts vèsi que i a de mancas prius d'educacion...
A 15 ans dins la resistancia mentre que d'autres se caravan amb lo govern de Vichy...
LOs colhuts son pas totjorn on se diser d'èsser
Aquò dich coma tot òme faguèc d'error tanben i a pas que los sants que lo pòdon lapidar... e vèsi que i a plan de sants apr'aici....!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari