Actualitats
Lo Carnaval Bearnés en risc de desparicion
La comuna de Pau vòl desnaturalizar la fèsta e l’associacion Carnaval Pantalonada refusa de l’organizar dins aquelas condicions
Lo Carnaval Bearnés, la fèsta emblematica de la vila de Pau, poiriá desparéisser. Lo conselh d’aministracion de l’associacion Carnaval Pantalonada a decidit de se retirar e d’organizar pas l’eveniment en 2016, segon çò qu’an anonciat dins un comunicat en occitan. Se tracta d’una “decision pas brica motivada per la baisha de subvencion a la quau l’associacion e s’èra preparada, mes en responsa a la volontat afichada de la municipalitat de modificar lo sens prigond de Carnaval”, çò ditz l’organizacion, que constata que “non i a pas mei de plaça a Pau entà ua hèsta populara, simpla e gratuita”.
La municipalitat, dirigida pel cònsol François Bayrou, que se disiá en campanha favorable a la lenga e la cultura del país, a mes d’empediments a l’organizacion, amb la tòca botar lo Carnaval Bearnés al Pargue de las Exposicions e non pas al centre vila, e de lo far pagant. Lo comunicat de l’organizacion del Carnaval Bearnés parla net e clar: “Sénher Lacòsta, adjunt a la cultura de Sénher Bayrou, gran caperan deu bon gost a Pau, que jutja la «caça de l’ors» passada de mòda”. Dins lo nòu biais de festejar Carnaval que prepausa l’aglomeracion de Pau, “non vòu enténer parlar que deus braves confètis de Carnaval de las escòlas”.
Per tot aquò, l’associacion que dempuèi 30 ans a organizat una fèsta populara, tradicionala, occitana e participativa refusa ben d’organizar la fèsta segon lo biais prepausat per las autoritats. La fèsta de l’an que ven “que’s harà donc shens l’associacion Carnaval Pantalonada qui tira la soa reveréncia”.
La demission del conselh directiu de Carnaval Pantalonada vendrà efectiva dins una assemblada extraordinària l’11 de setembre que ven. Se degun pren pas lo brandon, los bearneses auràn cantat lor darrièr “Adieu praube Carnaval”.
Mai d’informacions dins La Setmana e dins La Republique des Pyrénées
La municipalitat, dirigida pel cònsol François Bayrou, que se disiá en campanha favorable a la lenga e la cultura del país, a mes d’empediments a l’organizacion, amb la tòca botar lo Carnaval Bearnés al Pargue de las Exposicions e non pas al centre vila, e de lo far pagant. Lo comunicat de l’organizacion del Carnaval Bearnés parla net e clar: “Sénher Lacòsta, adjunt a la cultura de Sénher Bayrou, gran caperan deu bon gost a Pau, que jutja la «caça de l’ors» passada de mòda”. Dins lo nòu biais de festejar Carnaval que prepausa l’aglomeracion de Pau, “non vòu enténer parlar que deus braves confètis de Carnaval de las escòlas”.
Per tot aquò, l’associacion que dempuèi 30 ans a organizat una fèsta populara, tradicionala, occitana e participativa refusa ben d’organizar la fèsta segon lo biais prepausat per las autoritats. La fèsta de l’an que ven “que’s harà donc shens l’associacion Carnaval Pantalonada qui tira la soa reveréncia”.
La demission del conselh directiu de Carnaval Pantalonada vendrà efectiva dins una assemblada extraordinària l’11 de setembre que ven. Se degun pren pas lo brandon, los bearneses auràn cantat lor darrièr “Adieu praube Carnaval”.
Mai d’informacions dins La Setmana e dins La Republique des Pyrénées
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#20 Ne voi pas forçadament deféner la critica obsessionala de l'occitanisme mes que volerí deféner lo dret d'avançar mascats sus internet : qu'ei hèit entà aquò (e tau pornò tanben, mes qu'ei un aute subjècte).
Un exemple qui coneishi plan : los mens articles "Barrem Los Tuadèrs", que'us èi signats deu men nom per'mor que sèi qu'en tant qu'ensenhaire, arrés no'm va pas díser arren sus las opinions qui exprimi publicament. S'èri estat cosinèr o tribalhaire precari quau que sia lo mestièr qu'aurí prés un pseudonim.
Un emplegaire que pòt tostemps picar lo ton nom sus google e decidir de non pas t'emplegar si lo portrèit qui dèishas de tut sus la tela ne li agrada pas.
S'èri Roucau, avocat, que prenerí tanben un pseudonim per páur de pèrder clients.
Ne's podem pas tots perméter d'estar figuras publicas com Alan Abadia :-)
#19 Blog public (Béarniaiseries), administrateur de Gasconha.com, je vois mal comment j'avancerais masqué.
vincens alias roucau queu coneishi un joen avocat tostemps en trin d'arroganhar shens importancia , que vedi que vat de mens en mens coratjos adara que s'escun darrer un pseudo....praube deth.
que l'avi convidat a viener veder era realitat dera nosta cultura mes que mei aisit de s'esconer darrer berois devis plen de peguesas.
bon dia vincens poud...
miqueu arrosères
vincens alias roucau queu coneishi un joen avocat tostemps en trin d'arroganhar shens importancia , que vedi que vat de mens en mens coratjos adara que s'escun darrer un pseudo....praube deth.
que l'avi convidat a viener veder era realitat dera nosta cultura mes que mei aisit de s'esconer darrer berois devis plen de peguesas.
bon dia vincens poud...
miqueu arrosères
Roucau, desgonflat, amuisha la toa cara.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari