Actualitats
La primièra Avenguda Jimi Hendrix del Mond es en Catalonha Nòrd
Lo vilatge rosselhonés de Paçà aurà tanben de carrièras en nom de Jordi Barre, Pascal Comelade e Lluís Llach
La petita comuna nòrd-catalana de Paçà es estada ongan dins l’actualitat per la volontat de son cònsol, Patrick Bellegarde, de consagrar una nòva avenguda del vilatge al legendari guitarrista estatsunidenc Jimi Hendrix (1942-1970). S’inaugurèt dijòus passat oficialament amb la preséncia de la pichona sòrre del musician, Janie Hendrix, responsabla del desvolopament de l’entrepresa Jimi Hendrix Experience.
Bellegarde se declara un afeccionat d’Hendrix e aguèt idèa de li consagrar una avenguda dins una urbanizacion en fasa d’acabament. Dins la meteissa zòna, lo govèrn municipal a previst de nomemar las autras carrièras amb de noms de musicians e cantaires catalans coma Jordi Barre, Lluís Llach e Pascal Comelade, qu’aqueste darrièr tanben participèt a l’inauguracion.
Dins una entrevista a France Bleu Roussillon, Bellegarde disiá qu’aviá pres aquela decision “per sortir un pauc de la normalitat e perque pòt èsser bon per Paçà”. “I a lo Canigó just darrièr la placa, aquò es fabulós! Es una montanha sagrada, un dels simbòls de la catalanitat… Establir una associacion entre qualqu’un qu’èra una estela fugaça de la musica e aquel païsatge tròbi qu’es bon”, çò precisèt.
Dins aquela meteissa entrevista, lo cònsol de Paçà comentava que se plaçariá tanben una estela amb l’efígia del musician e que la nòva avenguda auriá pas de numèro 27, qu’es l’edat que Jimi Hendrix aviá quand moriguèt en 1970.
Bellegarde se declara un afeccionat d’Hendrix e aguèt idèa de li consagrar una avenguda dins una urbanizacion en fasa d’acabament. Dins la meteissa zòna, lo govèrn municipal a previst de nomemar las autras carrièras amb de noms de musicians e cantaires catalans coma Jordi Barre, Lluís Llach e Pascal Comelade, qu’aqueste darrièr tanben participèt a l’inauguracion.
Dins una entrevista a France Bleu Roussillon, Bellegarde disiá qu’aviá pres aquela decision “per sortir un pauc de la normalitat e perque pòt èsser bon per Paçà”. “I a lo Canigó just darrièr la placa, aquò es fabulós! Es una montanha sagrada, un dels simbòls de la catalanitat… Establir una associacion entre qualqu’un qu’èra una estela fugaça de la musica e aquel païsatge tròbi qu’es bon”, çò precisèt.
Dins aquela meteissa entrevista, lo cònsol de Paçà comentava que se plaçariá tanben una estela amb l’efígia del musician e que la nòva avenguda auriá pas de numèro 27, qu’es l’edat que Jimi Hendrix aviá quand moriguèt en 1970.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca pels noms de cantaires per las carrièras! I a tròp de noms d'assassins e d'escanaires de tota mena sus de polidas avengudas. A Ribesaltes, lo collègi "Les Pins" passèt a se sonar "Joseph Joffre" quand començava d'èsser de notorietat publica que mandava morir de milierats d'òmes per pas res. E darrièrament s'es sauput qu'amai d'aquò se descargava de son incompeténcia militara suls regiments provençals en s'apiéjant sus los prejutjats mai rancis (Veire Jean-Yves LE NAOUR sul sicut, qu'amai revela lo comportament coard de Foch).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari