Actualitats
De fòtos sus Internet dels panèls panats de Tula
Los auriá panats un movement bretonista amb la collaboracion d’activistas savoians, bascos, alsacians e occitans
Son apareguts suls rets socials d’imatges dels panèls de senhalizacion de Tula que foguèron panats la nuèch de 15 al 16 de junh. Sus lor pagina Facebook, lo movement breton dels Bonets Roges n’an publicat qualques fòtos. “Lo president Hollande vòl far desaparéisser lo nòstre país, nosautres fasèm desaparéisser sa vila”, çò dison, segon çò que rapòrta La Montagne. Fan referéncia al fach que lo president de França a sa residéncia electorala dins aquela vila de Lemosin.
En Bretanha, panar de panèls en francés se fa corrent dempuèi los ans 1960, es una accion revendicativa emplegada mai que mai pel movement Stourm ar Brezhoneg per obténer que los panèls sián en breton. Dins los ans 2000 lo procediment foguèt reütilizat per d’autras revendicacions. Sembla a l’ora d’ara qu’aquel tipe de lucha s’es relançat e qu’es anat mai luènh. Los panèls de Tula serián estats panats per un grop aliat amb d’activistas bascos, alsacians, savoians, “amb l’ajuda e lo sosten de militants occitanistas”.
Revendican “las integritats territorialas” e los “dreches umans” dels pòbles de l’Exagòn
Segon un comunicat qu’an mandat a Jornalet, revendican “las integritats territorialas” e los “dreches umans” de las nacions de l’estat francés. Planhon la supression d’Alsàcia e son integracion dins una megaregion, lo refús de l’estat de crear una region de Savòia, lo refús del departament pel Bascoat e la reünificacion de Bretanha. “França es pas mai qu’una populacion d’administrats del temps que nosautres alsacians, bascos, bretons, savoians, occitans, catalans, còrses... sèm de pòbles”, çò dison.
Los panèls en occitan son pas estats tocats.
Opinion: Domergue Sumien: Los panèus de Tula
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Lo tema meritariá de plan longas soscadissas, que es pas aicí lo luoc e lo temps de las faire. Vostre comentari pausa un bon pont de partida. Grandmercés, adonc.
Un detalh: lo Sant Empèri Roman Germanic a jamai existit. S'apelava Sant Empèri Roman e comprenia diferentas nacions: alemands, chècs, franceses, flamencs, italians, occitans, retoromans, sorabis ... .
#6 Leis alsacians s'identifican pas a Alemanha, estat de creacion recenta, mai si que son conscients d'aver la meteissa cultura eissida dau Sant Empèri Roman Germanic.
Me sorpreni de veire que nomenats los bascos, los catalans, los bretons, etc. etc., sempre o gaireben sempre, alevat de casos plan concrets, d'aquesta manièra (bascos, catalans, etc. etc.) e non soletins, rosselhoneses, etc. etc. Mas los alemands jamai los nomenats alemands, sempre alsacians, sens deguna excepcion.
Plan merces per los polças virats al debàs :-)
Pr'aquò se los desmargament de panels pòt vos pareisser d'importança, en dobti pas, es pas çò qu'es de prener en compte.
Pel govern çò qu'es de prener en compte es la potençia de desgalhament...
en resumit es pas cossi vos vesetz que compte, mas cossi los autres vos veson.... e per l'ora vos veson pas !
#3 Dins l'exagona i a 750 zonas de non drech coma es politicament correcte d'o díser, Mai d'aquò lo terrorisme e mai d'aquò de migrants a ronfle que ne sabem pas que far.. alavetz òc los panels de Tula desmargats son ben una pecadilha per lo poder centralista.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari