Actualitats
Miramàs: an panat los explosius d’un sit militar
Aurián raubat 15080 detonadors, de pans de plastic e un quarantenat de grenadas
An panat d’explosius d’un sit militar a Miramàs (Crau). Après trencar lo cledís e forçar uèch edificis, los panaires raubèron almens 180 detonadors, de pans de plastic e un quarantenat de grenadas, la nuèch de dimenge a diluns. S’es dobèrt una enquèsta per raubatòri amb efraccion “comés en banda organizada”. Ne rapòrta La Provence. Lo Ministèri francés de la Defensa a declarat a Libération que dirà pas res pr’amor que lo debanar de l’enquèsta necessita de discrecion.
Lo sit militar panat a una estenduda de 200 ectaras e se tròba a qualques centenats de mètres de la vila de Miramàs, emplega aperaquí 200 personas e es connectat al ret ferroviari. L’armada francesa l’emplega mai que mai per sas operacions exterioras e, doncas, serviguèt a l’intervencion francesa en Mali e Azawad. Es compausat de grandas bastissas que se i emmagazina de material, a qualques desenats de mètres de l’estrada que travèrsa lo terren militar. Las bastissas son alinhadas darrièr dos cledisses. Segon Europe 1, las doas renguièras de cledisses son pas esquipadas de camèra de susvelhança.
Lo Ministèri de la Defensa a anonciat dins un comunicat qu’an demandat una avaloracion intèrna de “la proteccion de l’ensemble dels sits militars d’emmagazinatge de municions”.
Lo sit militar panat a una estenduda de 200 ectaras e se tròba a qualques centenats de mètres de la vila de Miramàs, emplega aperaquí 200 personas e es connectat al ret ferroviari. L’armada francesa l’emplega mai que mai per sas operacions exterioras e, doncas, serviguèt a l’intervencion francesa en Mali e Azawad. Es compausat de grandas bastissas que se i emmagazina de material, a qualques desenats de mètres de l’estrada que travèrsa lo terren militar. Las bastissas son alinhadas darrièr dos cledisses. Segon Europe 1, las doas renguièras de cledisses son pas esquipadas de camèra de susvelhança.
Lo Ministèri de la Defensa a anonciat dins un comunicat qu’an demandat una avaloracion intèrna de “la proteccion de l’ensemble dels sits militars d’emmagazinatge de municions”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
es Miramars e non Miramàs segon http://www.oocities.org/toponimiaoccitana/13b.html
Se ditz tanben qu'aquesta an los fuòcs d'artifici del 14 quatòrze de Julhet seràn meravilhoses.
S'aquò poguèsse pas menar a de consequéncias tragicas seriái espetat de rire! De grasilhatge que se pòt dubrir amb unes còps de mordaissas, pas cap de camèras, degun per survelhar e ziu! de bombas escampadas per la natura!
Cal creire que l'estat francés o ten mai facil de metre en plaça una survelhança intrusiva generalizada dels ciutadans menaires de veituras amb una armada de camèras, de militars e de radars que de survelhar l'armada.
Los imatges mòstran que las bastissas ont los explosius son "gardats" son a costat de la rota. E sabon los occitans que passan per aquesta rota que tot pòt petar?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari