Laure Betbeder es una professora de sciéncias de la vida e de la tèrra (SVT) de Tolosa, qu’es en cauma de la fam dempuèi dètz e nòu jorns. Segon çò que rapòrta La Dépêche, Betbeder fa partida d’un grop d’ensenhaires del Collègi Bellefontaine de Tolosa qu’an patit una mutacion-sancion en seguida de lor participacion a una cauma en novembre e decembre passats.
Son estat de santat es fòrça delicat, e en vesent que lo dialòg amb la rectritz es pas possible, Betbeder a fach una crida dirècta a la ministra francesa de l’educacion, Najat Vallaud-Belkacem.
Ara per ara, lo collectiu a lo sosten del deputat bearnés Jean Lasalle, qu’en 2006 aviá fach ja una cauma de la fam de 39 jorns per s’oposar a la deslocalizacion de l’usina Toyal dins la Val d’Aspa.
La caumaira de la fam e lo collectiu d’ensenhaires, nomenat Collectiu del 22 de Mai, an causit d’alertar l’opinion publica dins lor compte de Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Comentaris
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari