Fòrça abans l’invencion d’Internet, los valons Paul Otlet e Henri La Fontaine, creators del classament decimal universal (CDU), defendèron l’accès a l’informacion per totes e l’emancipacion ciutadana a travèrs del partiment de las coneissenças. Fòrça abans los tempses de l’informatica e de la numerizacion, doncas, Otlet e La Fontaine impulsèron lo Mundaneum, un centre d’archius a Mos (Valonia) que recep lo títol de “Google de papièr” per lo sieu assag d’i classificar e centralizar tot lo saber mondial.
 
Los dos consideravan que lor projècte èra la pèça centrala d’una nòva “vila mondiala”, una pèça centrala qu’amb lo temps venguèt un archiu amb mai de dotze milions de fichas e documents. Èran convencuts que lo partiment de las coneissenças poiriá facilitar la patz.
 
Après qualque temps de reformas, lo Mundaneum tornèt dobrir sas pòrtas a la fin de de junh amb l’inauguracion d’una exposicion entitolada “Cartografiar la coneissença: comprene lo Mond a travèrs de las donadas”.