La robotizacion e l’automatizacion, pauc a cha pauc, prenon mai d’espaci dins la nòstra societat. E an ja transformat qualques sectors economics e qualques professions. La ràdio publica estatsunidenca NPR a aviat una maquina de calcular en linha que determina, aperaquí, quina possibilitat i a qu’un robòt pòsca arribar a desvolopar un trabalh o una autre, a partir de qualques critèris.
La maquina de calcular d’NPR se basa sus un estudi menat fa un dos ans per dos scientifics de l’Universitat d’Oxford, que revelava que lo trabalh mai susceptible d’èsser automatizat tocava lo telemarqueting. A l’autre extrèm i aviá l’assisténcia sociala especializada en problèmas de santat mentala e de toxicomanias.
Çò mai estonant èra que lo 40% de las possibilitats qu’un robòt poguèsse remplaçar un jutge arribava al 90% dins las prefessions de maselièr e de joielièr. E lo prètzfach d’un comptable, segon l’estudi, se podiá automatizar al 97,6%.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo problèma non es tant de saber s'un robòt pòt o non pòt remplaçar un uman dins una tasca de trabalh quina que siá, mas de saber cossí serà compartit (o non) lo benefici del trabalh complit per aqueles robòts. S'un robòt fa lo mieu trabalh a ma plaça e que contunhi ieu de recebre un salari mai que digne per cultivar dignament pas umanitats mentrestant, rai : pòdon ben remplaçar tot lo trabalh dels umans pel trabalh dels robòts que susaràn (pas) a la nòstra plaça ! Per contra, çò que ditz pas l'estudi estatsunian, es la rason per laquala remplaçariam o non un trabalhaire uman per un trabalhador robotic. En qualque biais, passariam d'un trabalhaire uman pagat a un trabalhador anuman non pagat, pel benefici exclusiu del proprietari del mejan de produccion (aquí, lo robòt). Es per aiçò que nos cal una revolucion, non pas las de las maquinas e dels sieus terminators, mas la dels umans terminaires del l'espleitacion de l'uman pel cinisme mercantil… Abans de se pausar unas questions subre los robòts, pausem nos las bonas questions subre çò dels afars (in)umans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Lo problèma non es tant de saber s'un robòt pòt o non pòt remplaçar un uman dins una tasca de trabalh quina que siá, mas de saber cossí serà compartit (o non) lo benefici del trabalh complit per aqueles robòts. S'un robòt fa lo mieu trabalh a ma plaça e que contunhi ieu de recebre un salari mai que digne per cultivar dignament pas umanitats mentrestant, rai : pòdon ben remplaçar tot lo trabalh dels umans pel trabalh dels robòts que susaràn (pas) a la nòstra plaça ! Per contra, çò que ditz pas l'estudi estatsunian, es la rason per laquala remplaçariam o non un trabalhaire uman per un trabalhador robotic. En qualque biais, passariam d'un trabalhaire uman pagat a un trabalhador anuman non pagat, pel benefici exclusiu del proprietari del mejan de produccion (aquí, lo robòt). Es per aiçò que nos cal una revolucion, non pas las de las maquinas e dels sieus terminators, mas la dels umans terminaires del l'espleitacion de l'uman pel cinisme mercantil… Abans de se pausar unas questions subre los robòts, pausem nos las bonas questions subre çò dels afars (in)umans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari