Actualitats
Las scènas mai memorablas d’Omar Sharif
L’actor egipcian moriguèt divendres a 83 ans. Venguèt famós per de filmes coma Lawrence d’Arabia e lo Doctor Zhivago
L’actor egipcian Omar Sharif, conegut per protagonizar los filmes Lawrence d’Arabia (1962) e lo Doctor Zhivago (1965), moriguèt divendres dins sos 83 ans a causa d’una crisi cardiaca.
Sharif comencèt de far de cinèma en Egipte quand aviá 22 ans amb lo director Yusuf Shahin (Youssef Chahine), en tenent un ròtle dins lo filme Sira Fil Al Wadi(Conflicte dins la Valada). Lo public l’acceptèt rapidament coma galant de mòda, e arribèt aital de protagonizar dètz e uèch filmes consecutius. Quand David Lean cercava d’actors arabis que parlèsson anglés per Lawrence d’Arabia, vegèt una fòto de Sharif e demorèt impressionat per la beutat e la virilitat de l’actor. Lo ròtle del Prince Alí li valguèt d’èsser proclamat candidat per l’Oscar, çò que paradoxalament li arribèt pas amb lo Doctor Zhivago, e mai se ganhèt ben, per aqueste trabalh, lo Glòbe d’Aur del melhor actor en 1966.
La siá filmografia, de gaireben cent títols, es plena de nauts e basses. Recebèt dins las darrièras annadas un nòu impuls, mai que mai gràcias al filme Monsieur Ibrahim et les fleurs du Coran (François Dupeyron, 2003), qu’amb el Sharif recebèt divèrses prèmis.
Çai jos podètz veire qualques unas de las scènas mai memorablas de Lawrence d’Arabia e del Doctor Zhivago.
Sharif comencèt de far de cinèma en Egipte quand aviá 22 ans amb lo director Yusuf Shahin (Youssef Chahine), en tenent un ròtle dins lo filme Sira Fil Al Wadi(Conflicte dins la Valada). Lo public l’acceptèt rapidament coma galant de mòda, e arribèt aital de protagonizar dètz e uèch filmes consecutius. Quand David Lean cercava d’actors arabis que parlèsson anglés per Lawrence d’Arabia, vegèt una fòto de Sharif e demorèt impressionat per la beutat e la virilitat de l’actor. Lo ròtle del Prince Alí li valguèt d’èsser proclamat candidat per l’Oscar, çò que paradoxalament li arribèt pas amb lo Doctor Zhivago, e mai se ganhèt ben, per aqueste trabalh, lo Glòbe d’Aur del melhor actor en 1966.
La siá filmografia, de gaireben cent títols, es plena de nauts e basses. Recebèt dins las darrièras annadas un nòu impuls, mai que mai gràcias al filme Monsieur Ibrahim et les fleurs du Coran (François Dupeyron, 2003), qu’amb el Sharif recebèt divèrses prèmis.
Çai jos podètz veire qualques unas de las scènas mai memorablas de Lawrence d’Arabia e del Doctor Zhivago.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari