Actualitats
Vint ans après lo chaple d’Srebrenica
Se remembrèron dissabte los mai de uèch mila civils assassinats per las forças sèrbas, amb la complicitat de la comunautat internacionala. Lo president de Serbia deguèt fugir la ceremònia
Srebrenica, una vila tranquilla e desconeguda de majoritat musulmana, al sud de Bòsnia e Ercegovina, foguèt en 1995 presenta dins los gròsses títols e dins las primièras paginas dels mèdias internacionals. Dissabte fasiá vint ans d’aquel 11 de julhet que lo nom Srebrenica venguèt sinonim de masèl indiscriminat e de vergonha internacionala.
L’11 de julhet de 1995, dins l’encastre de la guèrra dels Balcans, de fòrças paramilitaras sèrbas comandadas pel general Ratko Mladić entornegèron la vila, tota plena de refugiats, e i intrèron sens cap de sòrta d’oposicion del contingent neerlandés de Cascos Blaus de l’ÒNU. Las fòrças sèrbas i assassinèron mai de uèch mila òmes e gojats e n’expulsèron vint mila personas.
Per aquel masèl, lo mai grand d’Euròpa après la Segonda Guèrra Mondiala, se jutgèt al Tribunal Penal Internacional e se condemèt per crimes de guèrra lo president de Serbia Slobodan Milošević (que moriguèt en preson en 2006), lo president dels sèrbes de Bòsnia, Radovan Karadžić, aquestes dos darrièrs coma inductors, e mai lo general Ratko Mladić, coma executor.
Mas en aquel chaple, i aguèt tanben l’abandon de la comunautat internacionala: tant per la negligéncia dels Cascos Blaus desplegats sus plaça coma per çò que ven de revelar lo jornal The Guardian: çò es, que la casuda d’Srebrenica fasiá partida de l’estrategia del Reialme Unit, de França, dels Estats Units e quitament de l’ÒNU per obténer la patz a quin prètz que foguèsse, en liurant la vila a Mladić.
An ensajat de batre lo primièr ministre de Serbia
Coma cada an, Srebrenica commemòra lo genocidi comés contra la populacion civila amb una ceremònia oficiala, presidida pel primièr cònsol e pels representants de las associacions de victimas. Dos ans après que Serbia s’excusèsse oficialament pel masèl, lo primièr ministre del país, Aleksandar Vučić, ensagèt d’assistir a l’acte per exprimir la siá dolor e per onorar las victimas. Mas Vučić deguèt fugir en essent atacat per qualques parents de las victimas que lo volián batre e que li lançavan de pèiras.
Dins l’acte i aviá l’èx-president estatsunidenc Bill Clinton, que pendent son administracion se signèt los Acòrdis de Dayton, los que metèron fin a la guèrra en Bòsnia e Ercegovina.
L’11 de julhet de 1995, dins l’encastre de la guèrra dels Balcans, de fòrças paramilitaras sèrbas comandadas pel general Ratko Mladić entornegèron la vila, tota plena de refugiats, e i intrèron sens cap de sòrta d’oposicion del contingent neerlandés de Cascos Blaus de l’ÒNU. Las fòrças sèrbas i assassinèron mai de uèch mila òmes e gojats e n’expulsèron vint mila personas.
Per aquel masèl, lo mai grand d’Euròpa après la Segonda Guèrra Mondiala, se jutgèt al Tribunal Penal Internacional e se condemèt per crimes de guèrra lo president de Serbia Slobodan Milošević (que moriguèt en preson en 2006), lo president dels sèrbes de Bòsnia, Radovan Karadžić, aquestes dos darrièrs coma inductors, e mai lo general Ratko Mladić, coma executor.
Mas en aquel chaple, i aguèt tanben l’abandon de la comunautat internacionala: tant per la negligéncia dels Cascos Blaus desplegats sus plaça coma per çò que ven de revelar lo jornal The Guardian: çò es, que la casuda d’Srebrenica fasiá partida de l’estrategia del Reialme Unit, de França, dels Estats Units e quitament de l’ÒNU per obténer la patz a quin prètz que foguèsse, en liurant la vila a Mladić.
An ensajat de batre lo primièr ministre de Serbia
Coma cada an, Srebrenica commemòra lo genocidi comés contra la populacion civila amb una ceremònia oficiala, presidida pel primièr cònsol e pels representants de las associacions de victimas. Dos ans après que Serbia s’excusèsse oficialament pel masèl, lo primièr ministre del país, Aleksandar Vučić, ensagèt d’assistir a l’acte per exprimir la siá dolor e per onorar las victimas. Mas Vučić deguèt fugir en essent atacat per qualques parents de las victimas que lo volián batre e que li lançavan de pèiras.
Dins l’acte i aviá l’èx-president estatsunidenc Bill Clinton, que pendent son administracion se signèt los Acòrdis de Dayton, los que metèron fin a la guèrra en Bòsnia e Ercegovina.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los alemans, angleses, americans,franceses, amb una paraula l'otan va atacà Iugoslàvia perquè era socialista e no volia ser de l'orbita capitalista. L' excusa fou que los servis havien mort a 10 mil, després vint mil, després quaranta mil, fins que pujaren fins a cent mil persones. Mostravan per las tv ocidentals un video d'unas coves i deien que estaven plenas de cadavers. Las forces que anaren a comprovar los fets, entre ellas la guardia civil espanhola, que es pot pas dir que sia a favor dels socialistes, diguet que havien trobat només una fosa amb unas 10 o vint persones. per contra l'otan va bombardejar Belgrat, escoles, autobusos,...fnt autèntics crims de guerra. Però ja se sap, la història la escriu lo guanhador.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari