Actualitats
Vòlon far un colossal pargue tematic catar al costat de Carcassona
Un investiment de 516 milions d’èuros sus una superfícia de 250 ectaras entre Campendut e Dosens al pè de la Montanha d’Alaric
Vòlon far un pargue tematic cataromedieval al costat de Carcassona. Un investiment de 516 milions d’èuros sus una superfícia de 250 ectaras entre Campendut e Dosens (Corbièras), al pè de la Montanha d’Alaric, que contendrà d’atraccions, doas ostalariás, un gòlf de nòu traucs, dos centres aqüatics dont un de cobèrt, un pargue medieval, una scenografia de 4000 plaças, un vilatge dedicat als artisans, una universitat del vin, de salas de cinèma 4D e un vilatge de vacanças de 500 lotjaments, segon çò que rapòrta La Dépêche.
Aquel projècte colossal se presentèt lo 8 de julhet passat e lo deu menar a tèrme la societat francesa Walnut Finance, qu’es implantada en Dubayy. Dins la presentacion, Philippe Rappeneau, primièr cònsol de Dosens e president de la comunautat de comunas del Piemont d’Alaric, remarquèt que “lo desvolopament toristic totjorn es estat al còr de las nòstras preocupacions al sen de la comunautat de comunas”.
A l’ora d’ara, Walnut Finance encara deu trobar los 516 milions d’èuros necessaris de las bancas e dels investidors privats. France 3 rapòrta que i a d’estrangièrs interessats per finançar lo projècte e que los professionals del torisme del país veson lo projècte amb de bons uèlhs. La comunautat de comunas s’engatjariá pas financièrament, mas espèra de captar lo 15% dels toristas. Aquel projècte prevei d’atraire tres milions de toristas per an.
An causit la Montanha d’Alaric per la proximitat de Tolosa, Montpelhièr e Barcelona, e per l’atractivitat de la ciutat de Carcassona, qu’a l’ora d’ara es ja un pargue tematic medieval.
Un complexe touristique et un parc d'attraction...per TVcarcassonne
Aquel projècte colossal se presentèt lo 8 de julhet passat e lo deu menar a tèrme la societat francesa Walnut Finance, qu’es implantada en Dubayy. Dins la presentacion, Philippe Rappeneau, primièr cònsol de Dosens e president de la comunautat de comunas del Piemont d’Alaric, remarquèt que “lo desvolopament toristic totjorn es estat al còr de las nòstras preocupacions al sen de la comunautat de comunas”.
A l’ora d’ara, Walnut Finance encara deu trobar los 516 milions d’èuros necessaris de las bancas e dels investidors privats. France 3 rapòrta que i a d’estrangièrs interessats per finançar lo projècte e que los professionals del torisme del país veson lo projècte amb de bons uèlhs. La comunautat de comunas s’engatjariá pas financièrament, mas espèra de captar lo 15% dels toristas. Aquel projècte prevei d’atraire tres milions de toristas per an.
An causit la Montanha d’Alaric per la proximitat de Tolosa, Montpelhièr e Barcelona, e per l’atractivitat de la ciutat de Carcassona, qu’a l’ora d’ara es ja un pargue tematic medieval.
Un complexe touristique et un parc d'attraction...per TVcarcassonne
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Segur que serètz fièr d'èsser SDF s'aquel amòri que nos servîs de president de region capita de nos batejar Sud de France. Avèm agut una tentativa de nos fotre la septicémia e ara nos penja al nas aquò: SDF!
#5
Whatever you say pal....
#4 e i poirèm anar desguisat en catars ???? m'atreva iò aquò...
vendrem de domaisèlas (pop corn) catar, de vin catar, fin finala farèm un lenhièr grand ont farèm brandar totis aqueles achorits de politics qu'an pas lo quite coratge de lor vergonha !
Es pietadós !
#4 Son pas occitans renegats, son frances deu midi. I a d'occitans sonque dens vosta testa
Çò pietadós dins aqueste afar es la complicitat de la classa politica locala, totalament contrarotlada pel PS. Aqueles incultes, que son lèstes a contunhar de vendre lo país, fan aquí una demostracion de mai de lor incompeténcia a sosténer l'economia ja moridonda d'aqueste parçan. L'existéncia d'una classa politica occitana renegada es una tragèdia pièger qu'o foguèt la tragèdia catara pel país
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari