Actualitats
Quant còstan los fuòcs d’artifici del 14 de julhet?
A Marselha lo fuòc d’arunan costèt aperaquí 550 000 èuros, del temps que l’associacion occitanista mai importanta de la Ciutat Focèa tòca 5 000 èuros per an
Ièr la Republica Francesa commemorava sa fèsta nacionala. Fòrça franceses, e tanben fòrça occitans, la festegèron lèu, coma fan cada an, amb jòia e en se remembrant d’una revolucion que cambièt l’istòria. Delà los passacarrièras, los discorses e las divèrsas mòstras francesas d’ostentacion nacionalista, la jornada s’acabèt, coma d’abitud, amb d’espectacloses fuòcs d’artifici pertot. Pr’aquò, vos sètz demandat quant d’argent despensan las municipalitats de l’estat francés per far aqueles fuòcs d’artifici?
Aquela question la se pausèt la còla de Contribuables Associés (Contribuents Associats) arunan, l’endeman de la fèsta estatala, e las chifras que publican son espantantas. L’espectacle de 2014 a París mobilizèt, per 35 minutas de fuòcs d’artifici, un cinquantenat de pirotecnicians durant aperaquí sièis meses. L’eveniment foguèt acompanhat d’una orquèstra sinfonica e costèt 600 000 èuros.
Mas en Occitània lo degalh es pas mendre. Lo fuòc d’artifici del 14 de julhet d’arunan a Marselha costèt aperaquí 550 000 èuros. Una despensa enòrma pels contribuents marselheses, se comparam aquò amb lo fach que l’Ostau dau País Marselhés, l’associacion occitanista mai importanta de la Ciutat Focèa, tòca 5 000 èuros per an.
Reduccion de las despensas
Segon las informacions d’RTL, la Ciutat Focèa auriá reduch sas despensas fins als 300 000 èuros pel fuòc d’artifici d’ongan. Aquel mèdia tanben rapòrta que Tolosa a despensat 96 000 èuros als fuòcs de la fèsta francesa, del temps que Montpelhièr n’a despensat 90 000.
Que se festeja lo 14 de julhet?
Lo 14 de julhet de 1789, d’assalhidors parisencs assautèron e prenguèron la Preson de la Bastille. Se considèra aquel eveniment coma lo començament d’una revolucion que faguèt avançar los dreches umans e, a l’encòp, que reversava una de las monarquias mai tiranicas que senhorejavan alavetz en Euròpa. Aquela revolucion aguèt puèi d’ombras e d’episòdis sinistres, mas foguèt un dels eveniments mai importants de l’istòria d’Euròpa.
Pels occitans, la data ten una importància relativa. La revolucion se dirigiguèt fisicament dempuèi París, e cal dire qu’amb la fin del Regim Ancian e la creacion d’un estat modèrne e uniformizaire, la cultura e la lenga occitanas comencèron de percórrer lor trist camin cap a la marginalizacion, que uèi encara ne percorrèm qualques passes.
Aquela question la se pausèt la còla de Contribuables Associés (Contribuents Associats) arunan, l’endeman de la fèsta estatala, e las chifras que publican son espantantas. L’espectacle de 2014 a París mobilizèt, per 35 minutas de fuòcs d’artifici, un cinquantenat de pirotecnicians durant aperaquí sièis meses. L’eveniment foguèt acompanhat d’una orquèstra sinfonica e costèt 600 000 èuros.
Mas en Occitània lo degalh es pas mendre. Lo fuòc d’artifici del 14 de julhet d’arunan a Marselha costèt aperaquí 550 000 èuros. Una despensa enòrma pels contribuents marselheses, se comparam aquò amb lo fach que l’Ostau dau País Marselhés, l’associacion occitanista mai importanta de la Ciutat Focèa, tòca 5 000 èuros per an.
Reduccion de las despensas
Segon las informacions d’RTL, la Ciutat Focèa auriá reduch sas despensas fins als 300 000 èuros pel fuòc d’artifici d’ongan. Aquel mèdia tanben rapòrta que Tolosa a despensat 96 000 èuros als fuòcs de la fèsta francesa, del temps que Montpelhièr n’a despensat 90 000.
Que se festeja lo 14 de julhet?
Lo 14 de julhet de 1789, d’assalhidors parisencs assautèron e prenguèron la Preson de la Bastille. Se considèra aquel eveniment coma lo començament d’una revolucion que faguèt avançar los dreches umans e, a l’encòp, que reversava una de las monarquias mai tiranicas que senhorejavan alavetz en Euròpa. Aquela revolucion aguèt puèi d’ombras e d’episòdis sinistres, mas foguèt un dels eveniments mai importants de l’istòria d’Euròpa.
Pels occitans, la data ten una importància relativa. La revolucion se dirigiguèt fisicament dempuèi París, e cal dire qu’amb la fin del Regim Ancian e la creacion d’un estat modèrne e uniformizaire, la cultura e la lenga occitanas comencèron de percórrer lor trist camin cap a la marginalizacion, que uèi encara ne percorrèm qualques passes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Efectivament los "castells de foc" de las Falles es quicòm de pas creire. Amai de còps los fuòcs artificials del 14 de julh a Paris, los faguèron los fraires Brunchû, de Valéncia. Aquò m'empacha pas de pensar que se passa l'òsca quand se degalha tant d'argent en un o dos quart d'ora.
Encara un còp "N'i a pro d'èsser mespresats" ? Un fum d'argent per ensajar d'esbalausir lo mond alara qu'un fum de gent venon de mai en mai paures en França: es INDECENT ! E o cal dire : òsca a la grandesa guerrièra del reialme dels Francs !
Soi embestiat. Ieu aimi plan los fuòcs d'artificis. Cresi que representan una expression artistica e que convenon plan per marcar un eveniment festiu. Es pas tipic d'en çò nòstre : faguèri las Fallas de Valéncia ongan, e vos pòdi assegurar qu'a costat lo 14 de julhet francés es un petardet. E la despença valenciana dèu èsser quicòm ! (dins un país mens ric).
Doncas per ieu, es normal que las collectivitats paguen de fuòcs d'artificis, coma se paga tot plen de causas per de fèstas gratuitas (las illuminacions de Nadal, l'animacion de las platjas, l'Estivada...). Per contra es pas normal que l'Ostal dau País Marsilhés aja solament 5000€ d'ajuda (que d'unes devon ja trobar excessiu!).
Se un jorn un govèrn occitan organiza una fèsta nacionala, espèri que i aja de fuòcs d'artificis.
Per informacion, los fuòcs d'artificis representan 7 % del chifre d'afar de l'industria pirotecnica francesa. Mas tot lo demai (per la caça, los « airbags », l'armada…) es pagat, directament o indirectament per… nosautres !
Mercés per las chifras que son eloquentas.
Aital, l'Ostau dau País Marselhés pòt demandar en tota umilitat un finançament annadièr a nautor de 10% del montant dels fuòcs d'artifici pels 14 de Julhet.
Lo 14 de julh es pas jamai estat, es pas e serà pas jamai la fèsta nacionala dels pòbles alzacian, basco, breton, catalan, còrso, flamenc e occitan.
Un pòble colonisat celebra pas la festa nacionala del seu colonisator
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari