Un òme intrèt a mièjanuèch, divendres passat, dins lo cinèma d’un centre comercial de la vila nòrd-americana de Denver, ont se projectava la primièra del darrièr filme de Batman, The Dark Night Rises, e comencèt de tirar. La polícia a confirmat que catòrze personas son mòrtas e qu’aperaquí cinquanta son feridas. L’individú qu’a causat lo masèl s’èra abilhat amb una masca de gas, lancèt una bomba lacrimogèna e après comencèt de tirar contra lo mond.
 
Dètz personas moriguèron al moment de la fusilhada, e las autras quatre sul camin de l’espital de Swedish a causa de feridas grèvas. Es dins aquel espital que son anats la majoritat dels ferits.
 
La polícia a arrestat l’individú suspècte d’aver comés lo masèl dins un pargatge près dels cinèmas; portava un rifle e un revolvèr e diguèt als policièrs que i aviá d’explosius en cò sieu. Es per aquò que la polícia evacuèt la zòna nòrd de la banlèga d’Aurora.